Parang hindi alam na suspek sa pagpatay ng kapatid: Ex-Sen. Revilla, Sr. nagulat nang makitang nakaposas ang anak!

SEEN: Tila hindi alam ni ex-Sen. Ramon Revilla, Sr. na nakakulong ang anak na si Ramon Joseph dahil nagulat siya nang makita na nakaposas ang pangunahing suspect sa pagpatay sa kanyang anak na si Ramgen.

Tumulo ang luha ni Mang Ramon sa exclusive video na inilabas ng GMA News.

SCENE: Nagkita sina ex-Sen. Ramon Revilla, Sr. at Ramon Joseph sa puntod ni Ramgen noong Oct. 28, ang ikalawang anibersaryo ng pagpaslang kay Ramgen.

Naroroon din sa puntod si Genelyn Magsaysay, ang ina nina Ramgen at Ramon Joseph na tuwang-tuwa sa pagkikita ng kanyang mag-ama.

SEEN: Ang exclusive video na inilabas ng GMA News ang mu­ling nagpaalaala sa sambayanang Pilipino na hindi pa nabibigyan ng katarungan ang pagpatay kay Ramgen Revilla noong October 2011.

SCENE: Hanggang sa Nov. 7 na lang ang Bingit, ang docudrama ng GMA 7 na napapanood tuwing Sabado.

Hindi tumagal ng dalawang buwan ang Bingit na nagsi­mula noong Sept. 21.

SEEN: Aligaga ang kampo ni Phil Younghusband sa pagpapadala sa print media ng official statement niya tungkol sa breakup nila ni Angel Locsin.

Inuna ng kampo ni Phil ang posting ng official statement sa social media pero wala itong impact.

SCENE: Ilulunsad ng ABS-CBN sa Nov. 6 pagkatapos ng TV Patrol ang all-star Christmas Station ID na may theme song na Magkasama Tayo sa Kwento ng Pasko.

SEEN: Ang resignation ni Atty. Lorna Kapunan bilang taga­pag-tanggol ni Janet Lim-Napoles ang headline kagabi ng mga news program.

Malaking burden ang nawala kay Atty. Kapunan na naging biktima ng bashing dahil sa pagtatanggol niya kay Napoles.

Bago pa nag-resign si Atty. Kapunan ay kumuha na ng ibang abogado ang kanyang kliyente.

SCENE: Dalawang araw na sarado ang mga sinehan sa Robinsons Galleria dahil sa sunog na nangyari noong Martes.

Inaasahan na magbabalik bukas ng tanghali ang normal na operasyon ng Robinsons Galleria.