Sen. Chiz naiingayan daw kay Alessandra!

True ba na may isyu kina Sen. Chiz Escudero at Alessandra de Rossi na best friend ni Mrs. Chiz Escudero to be? Kung tama ang source ko, sinabi nitong hindi masyadong type ng senador si Ms. De Rossi dahil sa kaingayan ng aktres at madalas na kung anu-anong mga dialogue sa kanyang girlfriend na si Heart Evangelista. Hindi naman daw blatant ang pagka-disgusto ng senador pero mismong si Heart daw ang nag-confide sa ibang mga kaibigan niya tungkol sa isyu.

Uh-oh. Siyempre hindi natin ini-expect na magsasalita rito ang senador dahil mas maraming bagay ang dapat niyang pagtuunan ng pansin kesa sa intriga sa best friend ng kanyang girlfriend. Basta ’yun ang kuwento ng source ko na never namang nagsinungaling.

Sa Instagram account ni Heart, madalas makitang magkakasama sina Heart, Alessandra, and Lovi Poe sa kanyang bagong biling condo unit.

Movie nina Cristine, Andi, Jake mahigit 1 milyon na agad ang nakapanood sa Youtube

Pinanood ko sa YouTube ang pinag-uusapang trailer ng When the Love is Gone starring Gabby Concepcion, Cristine Reyes, Andi Eigenmann, Alice Dixson, and Jake Cuenca. More than 1 million na pala ang nakapanood. In fairness sa pelikula, bongga ang trailer lalo na ang mga dialogue ng confrontation nina Alice and Cristine at ni Andi na rin.

Base pa lang sa trailer, mukhang papatok na ang pelikula ng Viva Films na dinirek ni Andoy Ranay at showing sa Nov. 27.

Sasagutin na kaya ni Cristine ’pag humarap siya sa presscon ng pelikula ang totoong rason ng paghihiwalay nila ni Derek Ramsay? Siya ang sinasabing kinalasan ng aktor dahil umano nakipag-date siya sa iba.

Actually, lumutang din ang pangalan ni Dennis Trillo sa kanilang split up.

Regional shows ng Kapuso tinatao na, marian dinadagsa

Kahit talaga saang probinsiya pumunta si Marian Rivera, laging dagsa ang fans. Sa mga post niya sa kanyang account sa Instagram, makikita mo kung gaano karami ang tao.
Kung noon ay may times na hindi masyadong napupuno ang venue ng mga regional shows ng Kapuso Network, ngayon ay dagsa na ang fans.

Nag-iikot si Marian sa mga festival sa iba’t ibang probinsiya para mas palakasin ang GMA 7 habang hindi pa nag-uumpisa ang aktres ng soap opera sa home studio niya.

How true na si Alden Richards na ang magiging leading man ni Marian sa untitled serye pa? At may kinukuha pa raw isang aktres na nakabase na sa Amerika para makasama ni Marian sa gagawing serye.

Phoemela hinahanap ng mga intrigero ang nakadisgrasya

“Hindi kaya si Willie Revillame ang ama ng anak ni Phoemela (Baranda)?” react ng isang reader tungkol sa inilantad na anak ng TV host sa programang Buzz ng Bayan last Sunday.

Umamin si Phoemela na 19 years old lang siya nang manganak.

Sabi naman ng kausap ko, na may alam kung paano niligawan ng dating TV host na si Willie ang model-TV host, sobrang in love raw ang dating aktor noon at dumating pa sa puntong nag-alok ito ng kasal kay Phoem. So, baka raw naman ito nga.

Sa interview ng Buzz ng Bayan kay Phoemela, wala itong binanggit na ama kaya pinag-iisipan na naman ng mga intrigero kung sino ang nakadisgrasya sa kanya noon.

Pero I’m sure hindi lang ito sinabi ni Phoemela sa ere pero nasabi na niya ito sa anak niya na maganda at ‘mini me’ ng model-TV host.

Co-prod sa MMFF entry, pinag-iisipang mag-back out

Malamang palang mag-back out sa pagiging co-prod sa isang pelikulang kasali sa 2013 Metro Manila Film Festival ang isang producer. Sabi ng produ, pinag-iisipan niyang kumalas dahil wala naman daw siyang participation sa pelikula kundi pangalan lang. Ni wala raw siyang alam kung ano na ang nangyayari sa pelikulang ginagawa nila at iba pang details.

Pero pinag-iisipan pa lang daw naman niya, so, may chance pa na magbago ang takbo ng kanyang isip at ituloy ang pakikipagsosyo sa sinu-shooting na pelikula.

Bantayan natin kung may produ na aatras any moment, siya na ang sinasabi kong producer.

Bagong Christian Grey preggy ang misis

Ngek, buntis pala ang asawa ng napiling bagong Christian Grey na si Jamie Dornan sa pagsasapelikula ng trilogy book na Fifty Shades of Grey na si Amelia Warner. Ayon sa isang online report, nakitang nagsa-shopping ang mag-asawa sa London, England matapos mapunta sa Irish actor ang role na unang ibinigay kay Charlie Hunman.

Positive ang naging feedback ng fans sa pagkakapili kay Jamie bilang bagong gaganap sa twisted character ni Christian Grey sa libro.

Kaya lang may asawa at magkakaanak na siya. So, paano na ang nag-iilusyong fans ng character ni Christian Grey?