Puhon Shine
CEBU, Philippines - Panghinaot ni Sunshine Dizon nga muabot ang panahon sa iyang career nga mahisama siya sa estado nila ni Lorna Tolentino ug Vilma Santos nga bisan edaran na aduna gihapoy mga leading man ug nagtuyok gayud ang istorya sa ilang character. Lahi naman gud matud pa karon ang sitwasyon kay ang mga pareha niya automatic nga support na lang sa mga batan-ong artista. Ang remake sa Villa Quintana sa GMA-7 ang latest project ni Sunshine diin bana niya sa maong teleserye nga gibituonan nila ni Elmo Magalona ug Janine Gutierrez, si Raymart Santiago.
Pagtugot sa Korte
Gitugutan sa Parañaque Regional Trial Court nga makaduaw sa lubnganan ni Ramgen Revilla kagahapon ang igsuon ug usa sa mga suspetsado sa kamatayon niini nga si RJ Bautista. Second death anniversary ni Ramgen kagahapon ug ang pagtugot sa korte naggikan sa alas otso sa buntag hangtud 10pm, diin adunay mga police escort ang nahisgutan samtang nakauban niya ang iyang pamilya didto sa Angelus Eternal Garden sa Toclong, Imus Cavite.
Divisoria shopper
Dili big deal sa mga netizen ang balita nga nasigpatan nga nag-shopping sa 168 Mall didto sa Divisoria ang sikat nga broadcast-journalist nga si Mel Tiangco.
Suroy pud uy
Nasigpatang nanuroy ang managhigugmaay’ng sila si Senator Chiz Escudero ug Heart Evangelista sa Powerplant Mall sa Makati City adtong Domingo sa hapon.
Excited much?
Gilibak sa mga netizen ang Italian girlfriend ni James Yap nga si Michela Cazzola gumikan sa pag-angkon niini nga nagkomedya ra siya dihang namahayag siya sa usa ka interview nga hayan sa sunod tuig na sila magpakasal sa sikat nga basketbolista. Suma sa mga netizen, kulang sa pansin matud pa ang nahisgutang banker. Kahinumduman nga miingon si Michaella nga nagkomedya lamang siya sanglit good mood siya atol sa interview gumikan kay buotan ang nangutana niya.
Second premiere night
Adunay second premiere night nga ipahigayon para sa pelikulang “Bekikang†nga launching movie ni Joey Paras. Kahinumduman nga wala makatambong ang director niini nga si Wenn Deramas sa unang premiere night gumikan kay nalandig siya sa tambalan gumikan usab sa pneumonia.
The One
Giklaro ni John Pratts nga ang iyang hinigugma nga si Isabel Oli na gayud matud pa ang “The One†pero wala pa siya mu-propose ngadto niini. Excited hinuon matud pa siya sanglit sa tanan niyang mga relasyon, karon lamang siya nakadungog og pagdasig gikan sa iyang mga kaila nga angayang dili na niya buhian pa si Isabel ug pakaslan na gyud.
KathNiel vs. Julie!
Buot na ni Julie Ann San Jose nga kalimtan ug ilubong na ang isyu tali niya ug sa KathNiel (Kathryn Bernardo ug Daniel Padilla). Mag-abot man gud ang ilang mga teleserye sa primetime---Got To Believe sa KathNiel sa ABS-CBN ug Kahit Nasaan Ka Man nila ni Kristoffer Martin sa GMA-7. Suma pa nagpunay og away ang ilang mga fans, apan nagpakahilom na matud pa siya aron matuldukan ang isyu.
Hagit ni Kyla
Dakong hagit ngadto kang Kyla ang kontrabida role niya sa remake sa Villa Quintana sa GMA-7 sanglit labing unang higayon kini nga mu-arte siya. Mas challenge kay kontrabida ang iyang role unya ang iyang normal nga tingog buotan ra kaayo. Hinuon gitabangan siya sa ilang director nga si Gina Alajar. Ang nakanindot pud kay original ang iyang character nga Ruby—wala sa original version nga gibituonan nila ni Kempee de Leon ug Donna Cruz---busa siya gyud maoy mumugna unsay haom nga atake alang niini.
Anne wa kauyon sa iyang dagway
Si Anne Curtis maoy cover girl sa Metro Magazine November issue. Hinungdan nga sa iyang Instagram account adtong Domingo iyang gidasig ang iyang followers sa pagpalit og kopya. Human lamang sa duha ka oras, mikabat na ngadto sa dul-an 15, 000 ang likers niini, basi sa screen grab nga gipatik sa www.fashionpulis.com
Apan sa pagbinayloay na og mga komento, daw masabot nga wala makauyon kaayo si Anne niining maong cover gumikan kay nasobrahan ra matud pa ang photoshop.
“Too much photoshop†nga adunay smiley ang tipik sa komento ni Anne.
Nanluod gihapon
Hangtud karon wala pa magtingog sila si Meryll Soriano ug ang iyang amahan nga si Willie Revillame, diin taod-taod na matud pa sila nga wala pud magkita. Suma pa ni Meryll, sa presscon sa ilang pelikula nga “Sapi†nga ubos sa direksyon ni Brillante Mendoza, nanluod ang iyang daddy niya sanglit wala niya tumana ang hangyo niini nga siya maoy mu-manage sa mga negosyo ilabi na ang Wil Tower. Buot man gud matud pa sa iyang daddy nga karon na dayon, apan gipili niya nga humanon ang iyang pagtungha didto sa London nga karon pang 2015 niya matapos.
Phoemela daw naibtan og tunok!
Trending sa Twitter adtong Domingo sa hapon ang bag-ong gi-reformat nga The Buzz nga karon gilangkuban na nila ni Boy Abunda, Carmina Villaroel ug Janice de Belen isip mga hosts.
Kini gumikan sa ilang balita diin hingpit na nga giangkon ug gipaila sa model/TV host nga si Phoemela Baranda ang iyang 14-anyos nga anak nga si Kim Nichole.
Suma pa ni Phoem nga daw naibtan siya og tunok karon nga hingpit na niyang gibutyag sa publiko ang kabahin sa iyang anak, diin wala niya gibutyag kinsay amahan niini. Kaniadto matud pa gitago niya ngadto sa iyang suod nga mga higala ang kabahin sa iyang anak.
Matud pa, 19-years old siya dihang nagsabak siya kang Kim ug hukom sa iyang inahan nga itago lamang kini agi’g pagpanalipod sa iyang modeling career.
Apan dihang namatay ang iyang inahan, didto matud pa nahunahuna ni Phoem nga kinahanglan na niyang atubangon ang iyang responsibilidad ngadto sa iyang anak.
"When my mom died, it served as my wake up call that I need to be Kim's mom. Dalaga na anak ko," nagkanayon siya.
Suma pa nga nagtuo kaniadto si Kim nga maguwang niya o ba kaha iyaan ang iyang inahan nga si Phoem. Pagtuo niya nga anak gayud siya sa iyang lola.
Niadtong nag-edad siya og 11-anyos o tulo ka tuig na ang milabay, seryoso matud pa siya nga gihinabi sa iyang uyuan ug ni Phoem diin gisuginlan siya sa kamatuoran ug gipasabot sa sitwasyon sa iyang inahan kaniadto.
"In-explain naman sa akin na they did it for security reasons and for her career. I know how showbiz is. I understood it naman. I looked at it at a different perspective because I know that they did it for a reason," nagkanayon siya ngadto nila ni Carmina ug Boy nga mapahiyumon.
Karon nga nabutyag na ang tanan, andam na matud pa ang 33-anyos nga si Phoem nga ibandilyo ngadto sa tibuok kalibutan ang kabahin sa iyang anak.
Journey To The Crown Miss Universe 2013
Matag tuig, usa sa kanunay nga atangan sa mga Miss Universe pageant fanatic mao ang official glamour shots nga kuha sa sikat nga photographer nga si Fadil Berisha. Ipahigayon sa una o ikaduhang adlaw sa pre-pageant activities, usa kini sa mga barometro sa mga pageant fanatic kun ang kandidata aduna bay ikabuga. Dinhi usab tan-awon kun nagkalig-on ba ang kahigayonan sa kandidata o inanay nga napawong sa pagligid sa mga adlaw paingon na sa coronation night.
Ang inila nga pageant expert sa Pilipinas, nga si Felix Manuel mipili na sa iyang top 10 glamour shots nga iyang gimantala sa iyang tumbler account: My Pulchritudinous Universe ug sa www.opmbwordlwide.com
Ang Miss Universe Pageant adto ipahigayon sa Moscow, Russia karong November 9.
Ang gipili ni Manuel nga best glamour shots mao kining musunod:
1.Philippines
2. Spain
3. Brazil
4.Jamaica
5. Turkey
6.Japan
7.Ukraine
8. France
9. Australia
10. USA
- Latest
