Maja wala mauyoni?

CEBU, Philippines - Gikataw-an lang ni Maja Salvador ang tsika nga matud pa wala siya mauyoni sa mga ginikanan sa iyang boyfriend nga si Gerald Anderson. Matud pa ni Maja nga motoo lang siya kung mismo ang mga ginikanan sa iyang uyab ang mosulti niini.

Natagam sa artista

Giingong mopahuway una si Angel Locsin nga mosulod og relasyon ilabi na ngadto sa mga artista.  Wala gihapon kadawat ang aktres sa panagbuwag nila ni Phil Younghusband.

Dakong buhi

Nagpungasi og katawa si Mo Twister sa report nga matud pa namatay siya sa usa ka aksidente.  Matud pa sa TV host nga dili niya hatagan og gibug-aton ang maong taho gumikan dili siya ganahan mausik ang iyang oras.

Gina gikilig

Gikilig si Direk Gina Alajar sa dihang gibuhat ang kissing scene nila ni Elmo Magalona ug Janine Gutierrez  sa seryeng Villa Quintana. Suma pa sa direktor nga duna gyu’y chemistry ang duha sa TV screen.

Dennis naukay sa tsismis

Naukay pag-ayo si Dennis Trillo sa report nga nag-uban sila sa iyang kanhi uyab nga si Jennylyn Mercado sa usa ka resort sa Baler, Aurora. Gihimakak kini sa aktor ug miklaro nga wala na sila’y komunikasyon ni Jen. Una na nga gihimakak ni Dennis nga siya ang rason sa panagbuwag nila ni Jennylyn Luis Manzano.

Komedya dala tinuod

Nagkatawa nga gisaysay ni Raymart Santiago sa presscon sa seryeng Villa Quintana nga nag-inusara na lang siya nga nag-atiman sa iyang kaugalingon gumikan kay wala na siya’y kauban nga partner nga nagmahal kaniya. Tataw nga gipasabot ni Raymart mao si Claudine Barretto.

Negosyo ni James gisugdan na

Giablihan na niadtong Sabado ang tindahan nga gipanag-iya ni James Yap. Ang  pagpamaligya og motorbike maoy usa sa gikabisihan karon ni James.

Maricar maglikay gihapon sa press

Padayon gihapon nga molikay si Maricar Reyes sa mga sakop sa media. Giingong pipila lang ka minutos nagpakita si Maricar sa presscon sa seryeng Honesto sa ABS-CBN.

Friends gihapon

Giklaro ni PhilYounghusband nga bisan nagbuwag na sila ni Angel Locsin, magpabilin gihapon ang ilang panaghigalaay.“Although we have parted as a couple, we are thankful that we remain friends and we only wish the best for each other,” nagkanayon si Phil.

Relax lang

Gibutyag sa beauty queen nga si Shamcey Supsup nga wala siya kulbai sa umaabot nga kasal nila ni Lloyd Lee karong Disyembre. Matud pa niya nga ilaha gyud kini nga gipanganmdan pag-ayo busa relax lang sila karong panahona. (Sanden J. Anadia)

Isabelle giatngan sa laing network

Gikatahong hapit na mapupos ang kontrata ni Isabelle Daza sa GMA-7 ug gidungog nga dunay laing network ang nag-atang sa aktres. Dili pa hinuon mohatag og komento si Isabelle gumikan kay padayon pa niya kini nga gitun-an.

Paolo dili mosabay sa uso

Gipadayag ni Paolo Contis nga dili na kinahanglan nga mosangpot pa sa kinihaay ang breakup nila ni Lian Paz.  Nasayran nga nagkauso na sa mga magtiayong artista nga mag-abot sa korte sa higayon nga magbuwag.

Erik dunay gitagoang uyab?

Gidungog nga pormal nga ipaila ni Erik Santos ang iyang uyab atol sa iyang concert karong November  9 sa PICC Plenary Hall. Taud-taud na nga nagpakahilom si Erik kalabot sa iyang lovelife.

Abtik pa

Gibutyag sa beteranong aktor nga si Eddie Garcia nga dili gihapon siya mobiya sa showbiz bisan pa man nga 84 anyos na ang iyang pangedaron. Matud pa sa aktor nga madala pa sa iyang lawas busa wala’y rason nga mobiya siya sa pag-arte.

Dili mild stroke

Gihimakak ni Direk Wen Deramas ang report nga matud na-mild stroke siya sa miaging semana. Giklaro sa direktor nga nalandig siya sa tambalanan gumikan sa pneumonia. “ Kaya sa mga sobrang nag -alala, pasensya na kayo, mali ang tsismis na nakuha ninyo,” matud pa sa direktor.

Coleen todo pasabot sa isyu

Mihangyo si Coleen Garcia sa katawhan nga dili unta hatagan og malisya ang “closeness” nila ni Billy Crawford kinsa kauban niya sa noontime show nga It’s Showtime.

 Suma pa ni Coleen nga close sa usag-usa ang tanang hosts sa maong programa busa wala siya maapektohi sa nikatap nga mga hulagway kung diin giakbayan siya ni Billy.

 â€œSweet? No naman, siguro yung mga akbay-akbay, yung mga ganito-ganyan whatever, pero I was hugging Vice, I was hugging Teddy (Corpuz) and wala namang anything malaswa or anything bad. There’s no malice,” matud pa ni Coleen ngadto sa PEP.

Gihimakak usab sa aktres ang report nga matud pa nangulitawo kaniya si Billy.

Kahinumduman nga usa si Coleen sa gipasanginlan niadto nga maoy rason sa breakup nila ni Bea ug Nikki Gil.

“I can say I am single right now, I’ve been single for almost a year already and I really want to remain single first. I am focusing on so many things.I don’t wanna have a boyfriend right now talaga. Kumbaga sa kabayo yung blinder, focus on my work right now and I want to focus on it talaga,” saysay pa sa aktres.

Bag-ong bomba ni Greta

Nagtinubagay na usab ang aktres nga si Gretchen Barretto ug sa usa ka Instagram user nga nagtangag sa pangalan nga “@bullygretchen”

Adunay mga pagduda nga sa tonada pa lang ni Grecthen , giingong gipasabot niini ang iyang inahan nga si Inday Barretto maoy iyang gitirahan.

Nasayran nga ni-post og positibong komento si Greta sa hulagway sa Instagram sa iyang sister-in-law nga si Connie,  asawa sa iyang igsuon nga si Mito.

Apan dunay kalit nga niapil nga kritiko ni Greta ug gipikhan siya og maayo niin nga nagkanayon, “@gretchenbarretto ‘the head’ double meaning comment. Aren’t you happy now hurting your family by humiliating them in the public. Go ahead create more multiple account to bash yourself. Should you resort to public humiliation to hurt your parent. Your said your blessed. I agree.”

Dugang pa sa maong basher ni Gretchen nga suwerte kaayo ang aktres gumikan kay duna kini igong kuwarta.

Dali nga nakatubag si Gretchen ug matud pa niya,  “@bullygretchen and you must feel so awful knowing your children & grandchildren can’t love nor respect you because you are living a lie because you love only yourself (narcissistic) because you violate them in every way, you expect too much from them & most of all, you steal from them. All you want from Claudine is what ever little money she has!!!! From here on in I will correct your every single lie. You despise me because you can’t have what belongs to tony & you can no longer take what is mine.”

Matud pa sa aktres nga kung padayonong pa gani ang pag-atake kaniya, iyaha gyud nga ibutyag ang kalabot “molestation” apan wala gidetalye ni Gretchen ang kalabot niini.

Dugang  pa niya: “@bullygretchen and if you don’t stop I will finally speak about the molestation. I am no longer the Gretchen that you can hurt nor can you silence me. I will go all out.”

Samtang si Mommy Inday sa iyang bahin, wala siya makasabot sa gipanulti ni Gretchen  ug giingong nabatasan na gyud sa aktres nga manaot kaniya busa dili na angay touhan ang mga gipanulti niini.

Mga artista misalmot sa piniliay

Gikulbaan na karon adlawa sa mahimong resulta sa piniliay sa barangay ang pipila ka mga artista nga nagpapili pagka-kapitan ug konsehal.

Nidagan pagka-kapitan ang aktres nga si Angelika dela Cruz sa Longos, Malabon kung diin usa siya nakasugat og kagubot atol sa iyang pagpangampanya sa dihang gitionan siya og kutsilyo sa usa ka lalaki.

Kung makadaog karong adlawa, naa na sa ikatulong termino sa iyang pagka-kapitan sa BFF Homes, Paranaque ang Kapuso star nga anak nila ni Alma Moreno ug Joey Marquez nga si Jeremy Marquez.

Nidagan usab pagka-kapitan sa Greenhills, San Juan ang TV host nga si Bobby Yan. Nasayran nga nagsilbi niadto si Bobby isip konsehal sa maong dapit.

Todo suporta sa kandidatora ni Bobby mao ang iyag ex-girlfriend nga si  Francine Prieto.

Magpapili pagbalik pagka-konsehal sa Urdaneta, Makati ang basketbolista ug TV host nga si Chris Tiu.

Samtang nagpapili pagbalik  pagka-konsehal ang komedyanteng aktor ug mainstay sa “Goin’ Bulilit” nga si Dagul didto sa Rodriguez, Rizal.

Ang former “Wowowie” dancer nga si Luningning (Lea Carla Santos) nidagan pagka-konsehal sa Paligsahan, Quezon City. Nitabang sa iyang pagpangampanya ang kanhi sakop sa  Viva Hot Babe nga si  Jaycee Parker.

She’s The One mikita na og P100M

Nagmaya pag-ayo ang aktres nga si Bea Alonzo human mikita sa kapin sa P100 million ang pelikula nila ni Dingdong Dantes nga She’s The One sulod sa duha pa lang ka semana nga pagpasalida niini.

Dili pa lang dugay, nagselebrar sa iyang birthday ang aktres busa iyaha kining gikonsiderar nga hugyaw nga birthday gift nga iyang nadawat.

Kahinumduman nga mikita og P12 million ang maong pelikula sa unang adlaw nga pagpasalida niini ug nalakip kini sa 20th anniversary movie sa  Star Cinema.

Una na nga gipanglantawan sa maong mobie outfit nga mo-click gyud ang maong pelikula gumikan kay nagpares ang duha ka mga lig-ong artista sa duha ka mga network.

Kapila na ka higayon nga nitrabaho ang Kapuso star nga si Dingdong sa Star Cinema.

My Pretty Mama

Masaypan nga dalaga gumikan sa ilang hitsura, apan ang kamatouran, sila ang mga responsableng inahan nga dunay hugyaw nga mga talento ug mipatigbabaw  sa tinud-anay nga pagpangga sa ilang pamilya ug nilampos sa tagsa-tagsa nila ka mga karera.

Ang nahisgutan nga mga hiyas maoy kalidad sa mga kandidata sa My Pretty Mama 2013 kung diin 13 ka mga inahan gikan sa nagkadaiyang dapit sa Sugbo ang magtigi alang sa maong korona.

Nasayran nga nagnalampuson ang maong indigay sa niaging tuig hinungdan nga gipadayon kini karong tuiga.

Dili pa lang dugay, gipaila-ila ang mga kandidata sa maong indigay nga diha sa Metro Gaisano Colon.

Anga maanyag nga inahan naglangkob nila ni Mae Feliciano Vera Cruz, Beverly Grace Namoca Ajihil, Mary Jane Reyes Cardoza, Jia Ivy Tabura Cabanero, Minnie Valderama Marante, Michelle Garces Nacua, Elnora Rose Celis Pepito, Ofelia Olayvar Paras, Charizza Marie Amante Delos Reyes, Jane Gemparo Bacus, Cherrie Marie Amante Delos Santos, Josephine Remorta Gorospe, ug Ginevive Antigua Louw.

Kasagaran sa mga kandidata ang nipadayag nga nisalmot sila sa maong indigay gumikan kay gusto nila mapakita ang ilang mga talent ug uban pa nga abilidad nga ilang maipasigarbo sa ubang tawo.

Ang usa sa mga kandidata nga si Bacus nisaysay ngadto sa Cebu Entertainment Press nga daghan pa gyud ang mabuhat ang usa ka babaye.

Finalists sa My Pretty Mama 2013 uban sa mga sakop sa Cebu Entertainment Press

Pipila ka mga kandidata usab ang nipadayag nga gumikan sa maong indigay, mawala ang ilang pagkamauwawon.

Gani nisalmot usab sa My Pretty Mama 2013 ang finalist sa miaging tuig nga si Mae Feliciano Vera Cruz gumikan kay iyang nadiskubrehan nga nakabaton siya og daghang higala gumikan sa maong indigay ug midako ang iyang determinasyon nga maangkon ang korona.

“I want to increase my confidence and enhance my talents through the workshops that My Pretty Mama will hold for us. I joined last year, but I failed to make the top five. I decided to join again because I had such a memorable experience. I also want to voice out my advocacies in life, one of which is to help protect mothers and kids,” suma pa ni Vera Cruz.

Ang grand winner sa My Pretty Mama sa miaging tuig nga si Jessica Candelasa-Eribal nibutyag nga dako kaayo og papel ang inahan sa katilingban kay mao kini ang nag-unang nag-antos aron mahimugso ang ilang anak ug nagsilbi usab kini nga inspirasyon sa tibouk pamilya.

Pinaagi usab My Pretty Mama, ma-expose ang kababayenhan sa pagkampanya sa nagkadaiya nila nga adbokasiya.

Matud pa ni Eribal nga dako kaayo og natabang kaniya ang My Pretty Mama sa pagsalmot niya sa Mrs. Philippines Globe 2013 kung diin nahimo siya nga third runner-up.

Suma pa niya nga nahimong taytayan ang My Pretty Mama sa pagsalmot niya sa national pageant kung diin nawala na ang iyang kakulba kung moatubang sa daghang tawo.

Mahitabo na ang coronation sa My Pretty Mama karon November 16 ug padayon pa nangita og haom nga venue ang Redfly Entertainment, Events and Promotions alang sa maong indigay. (BANAT NEWS)