Birthday gifts for Bohol

CEBU, Philippines - Hugyaw nga Domingo mga SweetKaButanding...kadali na man lang gyud sa panahon kay upat ka adlaw nalang adlaw’ng natawhan na nako pero karung tuiga mas hugyaw kini kay ang mga gasa nga akong pangayuon maglakip sa canned goods, bugas, noodles , bottled water ug uban pa nga pwede magamit sa atong mga Kapuso nga nagkinahanglan og tabang ang, Lalawigan sa Bohol. Ang akong mga matapok nga gasa ako kining ihatag sa Kapuso Foundation o sa mga kaila nako nga dunay pamilya sa Bohol nga naapektuhan sa trahedya. Sa makausa pa, sa gusto muhatag og gasa para sa akong adlaw natawhan pwede ninyo ihatod sa GMA 7 Cebu Nivel Hills Lahug Cebu City o pwede kamo magbilin og mensahe sa facebook account nako nga: [email protected], kay pwede kini nako kuhaon sa inyong opisina. Ang akong adlaw natawhan mas mamahimo kining mas hugyaw tungod kaninyo.

Sa laing BisChika mga SweetKaButanding, sa pagtikang namo sa Siyudad sa Dumaguete para sa kasaulugan sa ilang Buglasan Festival usa ka Kapuso Night ang among dalit. Kauban ang cast sa Akin Pa Rin Ang Bukas nga silang Lovi Poe, Rocco Nacino, Steven Silva ug Ruru Madrid. Gisugdan namo ang partisipasyon sa Kapuso Network pinaagi sa float parade, nisubay ang float sa GMA sa kadalanan sa Dumaguete nga init kaayo ang ilang pagdawat sa mga Kapuso stars, bisag init kaayo unya kalit lang mudag-um ang kalangitan pero ang cast sa Akin Pa Rin Ang Bukas wala panumbalinga. Pagkahuman sa parada kay freshen up ug relax ginagmay ang mga artista, abtik kaayo ko nakaligo gumikan kay may kakulian nga wala kapugngi, ang original co-host ni Pekto wala makatunga, busa ako maoy gipuli, ug komportable na pud ang inyong Yur’s truly makauban ang komedyante. Nagpaduwa usa kami sa mga Kapuso nga naa sa Sidlakang Village. Sa unang higayon nasaksihan nako si Gladys Guevarra nga ni perform sa entablado . Napuno sa katawa ug hagik-ik ang mga nisaksi sa mga pasiaw ni Gladys unya sa wala pa siya nahuman duna siya’y gipanguha sa audience para kuyugan siya pagkanta on stage. Wala nagpapildi ang mga Dumagueteno kay best in singing usab sila.. Pagkahuman sa performance ni Gladys tagsa tagsa na nga nihalad og kanta ang mga Kapuso stars. Dako kaayo og singgit si Gleven kay naa man si Steven pero kalit lang naguba ang nawong ni Gleven sa dihang dunay duwa ang mga APRAB Boys (Ruru, Rocco, Steven ) kauban ang mga girls sa audience. Hahahahahahaha! unsa kaabtik ni Gleven kay ang poster ni Steven bisag gigamit pa sa parade abtik kaayo kay iya kining gipangayo pero wala lang siya nakauyon kay sa dihang iyang gipapirmahan ang dakong tarpuline ang mensahe kay “ Boyet, Happy Fiesta!” hahahahahha! Pero walay sukod ang iyang kalipay mao nga ang poster ni Steven Silva nagbabag sa kwarto niya.

Pero ang akong na obserbahan lead stars sa Akin Pa Rin Ang Bukas nga silang Lovi Poe ug Rocco Nacino pagka sweet na man lang gyud nila. Feeling nako murag dunay relasyon ang duha. Si Rocco kay best in atiman kaayo ni Lovi nga makaingon ko okey pud kaayo, Bisan on stage, kalit lang mohalok si Rocco sa mga aping niini. Hala oi murag ang hulmigas nikamang sa akong lawas tungod sa ilang ka sweet. Mao nga nahuman ang Kapuso Night namo nga dunay bitbit nga kalipay .

Wala pa nahuman ang akong trabaho kay pagkasunod adlaw, ga shooting dayon mi sa Let’s fiesta ...among giadto ang Lungsod sa Siaton diin mahimutang ang Balanan Lake. Medyo layo ang among biyahe apan pag-abot namo...hugyaw ang lugar! Ganahan ko mobalik with my bhe kay very peaceful kaayo ang lugar, nindot ang kinaiyahan, ug nindot suwayan ang ilang mga amenities. Very affordable pa gyud. Mao nga ayaw ninyo sipyata ang pagsalida ani sa telebisyon!

Daghang Salamat sa mga nihatag sa ilang gasa kanako laumi ninyo nga kini makaabot sa atong mga sano ug sana nga nagkinahanglan sa atong tabang...Mahimo ninyong memorable ang akong adlaw natawhan. (BANAT NEWS)