Megan giliw na giliw sa Mr. World na si Francisco Escobar

SEEN: Hindi gentleman si Jason Francisco. Hindi niya inalalayan si Melai Cantiveros at nauna siya sa paglalakad nang ipakilala sila bilang cast members ng Honesto ng ABS-CBN. Four months pregnant si Melai sa pa­nganay nila ni Jason.

SCENE: Hindi sinabi ni Maricar Reyes ang tunay na edad nang itanong ito sa kanya sa presscon kahapon ng Honetso. Thirty-two years old na si Maricar.

Isang taon ang tanda sa kanya ng ex-boyfriend na si Hayden Kho, Jr.

SEEN: Naging honest si Paulo Avelino sa presscon ng Honesto nang sabihin niya na single at complicated ang kanyang status ngayon.

Matagal nang hiwalay si Paulo at ang kanyang former live-in partner na si LJ Reyes.

SCENE: Ang band rehearsal kahapon ni Aljur Abrenica para sa kanyang concert sa November 7 sa Music Museum, ang Come and Get Me. Seryoso si Aljur sa kanyang intensiyon na maipakita sa mga tao ang singing talent niya.

SEEN: Ngayon ang huling gabi sa telebisyon ng Juan dela Cruz ng ABS-CBN. Mapapanood sa Youtube ang bloopers ng cast ng Juan dela Cruz.

SCENE: Magiliw na magiliw kay Megan Young si Mr. World 2012 Francisco Javier Escobar.

May dahilan para magselos si Mikael Daez, ang boyfriend ni Megan.

SEEN:  Hindi pa rin nagbabago ang acting ni Rey Abellana, ang gumaganap na ama ni Cristine Reyes sa Bukas Na Lang Kita Mamahalin.

 Masuwerte si Carla Abellana dahil hindi nito namana ang acting abi­lity  ng kanyang tunay na ama.

SCENE: Hindi masyadong umaasa ang mga Pilipino na makukuha ni Ariella Arida ang Miss Universe crown. Kuntento na ang mga Pilipino sa Miss World title ni Megan Young.