Cess gulantang sa maraming tao

MANILA, Philippines - Gulantang si Cess sa sobrang dami ng tao dahil nasa Cebu si Luis, si Nick ang hihingian niya ng tulong. Magmamadali naman si Nick na puntahan si Cess at iiwan na naman niya bigla si Kate!

Matatakasan na nila Cess at Phil ang mga taong nagpapakilalang kamag-anak ni Cess sa tulong ni Nick. Dadalhin sila ni Nick sa isang townhouse. Pero masusundan iyon ng isa pang problema. Pupunta ulit ang lalaking nagpapakilalang kuya ni Cess sa office nila Nick.

Magrereklamo si Eliza dahil sa sobrang dami ng tao sa Mall pero babaliwalain lang iyon ni Roberto. Makakausap naman ni Cess si Waldo at magkukuwento si Waldo tungkol sa pamilya nila. Hindi agad maniniwala si Cess kaya papalayasin ito ni Nick pero may sasabihin si Waldo na magpapabago sa isip ni Cess.

Abangan ang mga maiinit na pangyayari sa pagpapatuloy ng kuwento ng Prinsesa ng Buhay Ko na pinagbibidahan nina Aljur Abrenica at Kris Bernal na napapanood gabi-gabi sa GMA 7.