Pagtatapos ng Juan Dela Cruz ngayong Biyernes na!

MANILA, Philippines - Handang-handa na ang karakter ng Drama King na si Coco Martin para harapin ang pinakamalaking laban ng kanyang buhay sa no.1 primetime teleserye ng ABS-CBN na Juan dela Cruz. Sa kabila ng pag-aakalang naubos na ang lahi ng mga aswang nang mapalabas ni Juan (Coco) ang puting liwanag mula sa bakal na krus, muling mababalot ng pangamba at kaguluhan ang mundo ng mga tao sa pagbabalik ng pinakamakapangyarihang kalaban ng Tagabantay--ang Anak ng Dilim. Paano maililigtas ni Juan ang mga tao mula sa mas malaking kapahamakan? Makakayanan ba niyang isakripisyo ang kasal nila ni Rosario (Erich Gonzales) para maipagpatuloy ang kanyang misyon bilang Tagabantay at matuldukan ang kasamaan ng Anak ng Dilim? Huwag palampasin ang pagtatapos ng Juan dela Cruz  ngayong Biyernes (Oktubre 25) pagkatapos ng  TV Patrol sa ABS-CBN Primetime Bida.