MarianKusinera!

Hugyaw nga Domingo mga Sweet Kabuntanding! Manghinaut ko nga ang tanan, bisan pa man sa mga nasinati nato nga linog naa kamo sa maayong kahimtang karun. Ang pag-ampo sa Kahitas-an ang atong hinagiban nga kining tanan atong makaya. Sa mga SweetKabutanding nato sa Bohol nga nagkinahanglan sa atong tabang kung duna kamo’y mahatag para sa mga operasyon tabang didto pwede ninyo kini ihatod sa GMA Network Inc - Cebu nga nahimutang sa Nivel Hills, Lahug Cebu City, pwede kamo motawag sa telepono (032 ) 2314820.

Ako lang ipaambit kaninyo ang among kasinatian sa paglinog, naa mi sa Dumaguete City para sa mga kalihukan sa Kapuso Network para sa Buglasan Festival. Sa dihang nipadung nami sa pantalan kauban ang ETV Cebu Forces nga silang Gleven Silva, Luciano Marquez Jr. , Philip Patricio ug Roger Rivera, ang among pagtuo na flat ang among ligid kay nag-uyog -uyog ang among gisakyan,mao na diay kato ang linog! Nakapanawag mi og mga santos sa pag-uyog sa yuta. Mao nga ending, wala kami nakalarga pauli sa Cebu. Nag- overnight ang among beauty, pero dili mi makatulog kay naa man ang aftershocks. Ma shock ko ni Gleven kay basta mag aftershock na gani kalit kining mo emote sa kahadlok, bisag ingnon nimo nga relax lang. Mao nga basta mag aftershock na gani, ako na siyang unhan og ingon dagan na sa gawas. Dili na siya makadagan kay na shock siya sa akong mga lenggua! 

Sa laing BisChika kay na shock ko sa Marian Rivera nga akong nakita. Usa sa mga rason nga naa mi sa Dumaguete City kay dunay Kapuso Fans Day si Marian sa Robinsons Dumaguete. Pag-abot pa lang ni MR sa hotel nga among gipuy-an puno na kini sa energy ug tanan iyang gitagad. BisChika dire! BisChika didto, pagsulod sa iyang lawak nagtu-o ang tanan nga mo beauty rest na ang Primetime Queen apan nagpatawag kini kung kinsa ang makapalit sa mga sagol nga iyang lutuon para namong tanan. Gikan sa kataas-taasan hangtud sa mga service van drivers magluto   siya og menudo ug sinigang nga hipon. Ang abtik kaayo nga nangumpra kay si Gleven nga kuwang kuwang ang gipamalit, (hahahahahha!), kay na pressure man ang iyang beauty! Didto nako nakit-an ang the other side of MR tungod kay best in hiwa-hiwa siya sa mga lamas, sa karne, unya manghugas pa sa mga hugason and with matching limpyo og trapo on the side. Nakaingon ko Hugyaw! Human sa pagluto nag-beauty rest na kay nangandam sa iyang fans day. Didto sa venue, daghan kaayo ang naghuwat sa atong Primetime Queen. Sa wala pa kini nilugwa, nipasiaw usa si Boobay sa iyang kanta ug mga duwa nga giandam para sa mga kapuso nato sa Dumaguete. Ug sa dihang nilugwa na si MR napuno kini sa singgit ug pakpak. Winner kaayo ang mga fans ni MR kay mismo si Marian Rivera nanaug sa stage pagkahuman sa iyang performances ug gitagaan niya og higayon nga malamano ang mga fans nga naghuwat kaniya. Bisag daghan og kamras ang mga kamot nisulti lang kini og “ok lang to, basta masaya sila”. Mo bow nako nimo Marian Rivera!

Ang highlight kay ang panihapon kay pagpadung ni Marian Rivera sa venue gibitbit niya ang Menudo ug Sinigang na Hipon. Korek gyud nakakaon ming tanan ug infairness lami kaayo ang iyang giluto. Paambit pa niya nga ang iyang giluto kay iyang nakat-unan sa iyang Lola. Pagkahuman sa panihapon, BisChika dire ug BisChika didto.   Ang Kerbir sa akong darhl Gleven Silva kay na tripan pa ni Marian Rivera og tago. hahahahahha! Ang iyang comment sa kerbir ni Gleven: sana naman mabango… hahahhahahaa! Bitaw si Kerbir ni Gleven na ang pinakasuwerte nga kerbir in the entire earth! Hangtud sa sunod na pud nato nga trabaho Ms,Marian Rivera! Ang iyang gipakita nga maayong batasan reminds me sa una namong panagkita sa programa sa una sa GMA ang OI show nato ni! 

Atangi sunod Domingo: Kapuso Night featuring Buglasan Festival kauban ang casts sa Akin Pa Rin Ang Bukas. Hmmmmm... kinsa siya kining sweet kaayo off and on cam?   Ug ang mga panghitabo sa parade nga giapilan sa Kapuso Network. Ayaw sipyata!