Basketbolista isinoli ang kotseng bigay ng gay TV personality matapos magkahiwalay; Jennylyn sobrang nasaktan, bintang ’wag daw paniwalaan

PIK: Hindi na kailangang isama sa publicity ng isang malaking concert kung sino ang mga special guest dahil kaya nang ibenta ng mismong perfor­mer.

Kagaya ng Perfect 10 concert ni Sarah Gero­nimo sa Nov. 15 sa Smart Araneta Coliseum at sa Nov. 30 sa SM Mall of Asia Arena, wala silang mga sinasabing special guest pero meron daw. Kayang-kaya kasi mismo ni Sarah na ibenta ang sariling show at ngayon pa lang ay halos sold-out na raw ang sa Araneta.

Pero mag-i-enjoy din naman ang mga manonood sa mga special guest ni Sarah at tinitiyak nilang wala sa lineup ng mga guest si Matteo Guidicelli.

PAK: Isinoli na pala nitong guwapong basketbolista ang second-hand car na ibinigay sa kanya ng kilalang bading na TV celebrity na kanyang nakarelasyon.

Nilinaw ng aming source na kusang isinoli ni basketbolista ang kotseng bigay sa kanya pagkatapos nilang magkalabuan.

Ang buong akala raw kasi nitong TV persona­lity, nadadala niya lahat sa kadatungan niya ang mga lalaking gusto niyang dyowain.

Palibhasa, maga­ling naman si basketbolista, kaya nabigyan naman pala ito ng bagong kotse ng kanyang team at ngayon ay masaya naman siya sa bagong dyowang ’di naman kasing yaman ni TV personality.

Hindi ko lang sure kung bading din itong bagong dyowa ni basketbolista ha?

BOOM: Kinumpirma sa amin ng isang taong malapit kay Jennylyn Mercado na totoong break na nga sila ni Luis Manzano nung nakaraang Lunes.

Ayaw munang magsalita ni Luis tungkol diyan at ganun din naman si Jennylyn.

Ayon pa sa ilang close sa actress/TV host, huwag munang basta maniniwala sa mga naglalabasang intriga dahil unfair naman ito kay Jennylyn.

Mas pinili raw ng dalawa na manahimik muna at hintayin na lang kung kailan sila magsasalita tungkol dito.

Pero nasaktan daw ng husto si Jennylyn sa naturang breakup at ayaw na muna nitong ma-involve sa panibagong relasyon. Mas gusto na lang munang ituon ang panahon niya sa kanyang anak, pamilya, at trabaho.

Bukod sa Sunday All Stars at Anak Ko ’Yan, malapit na rin nitong simulan ang bagong drama series niyang Madame X.