Grand fans day ni Juan Dela Cruz, ngayong sabado na

MANILA, Philippines - Engrandeng pasasalamat sa TV viewers ang ihahandog ng no.1 Primetime Bida teleserye ng ABS-CBN na Juan dela Cruz ngayong Sabado (Oktubre 19). Samahan ang powerhouse cast ng Juan dela Cruz na pangungunahan ng Drama King na si Coco Martin sa Juan Fun Day: The Juan dela Cruz Grand Fans Day na gaganapin sa Trinoma Activity Center, sa ganap na 5:00 ng hapon. Kasama ni Coco sa pagpapasaya ng fans ang mga co-star niyang sina Zsa Zsa Padilla, Gina Pareño, Erich Gonzales, Shaina Magdayao, Arron Villaflor, Neil Coleta, John Medina, Louise Abuel, John Regala, at Eddie Garcia. Makikibahagi rin sa selebrasyon ang ilan sa pinakamahuhusay na singer sa bansa na umawit sa volume 1 at 2 ng Juan dela Cruz album.