Regine bad mood nang tumanggap ng award!

PIK: Maganda pa rin ang rendition ni Kuh Ledesma sa nakaraang My Husband’s Lover concert sa Smart Araneta Coliseum ng awiting Huwag Kang Mangako na theme song sa Akin Pa Rin ang Bukas ni Lovi Poe.           

Si Kuh naman kasi ang original na kumanta kaya hindi maiwasang naikukumpara sa bagong version ni Lovi.

PAK: Mahigit isang oras na overtime ang farewell episode ng Wowowillie nung nakaraang Sabado.

Pinagbigyan ang mga pag-i-emote kaya may na-preempt tuloy na isang show at nagka-delay-delay na ang mga kasunod na programa.

Mataas naman ang rating nito, na nakipaglaban sa UAAP finals na nasa ABS-CBN naman. Nakipaglaban din nang pukpukan sa ratings ang Startalk.

Dahil siguro sa bagyo, hindi na lumabas ang mga tao at tumutok na lang sila sa TV nung araw na ’yun kaya napakataas ng viewership ng tatlong istasyon.

BOOM: Ngayong araw na nga ba pormal na pipir­ma si Regine Velasquez sa GMA 7?

’Yun ang narinig namin, gaganapin daw sa Manila Golf and Country Club sa Makati City. Ayaw naman kasing pangunahan pa ng Asia’s Songbird ang GMA 7.

Dagdag na karangalan sa kanya ay ang pagkapanalo bilang female concert performer of the year sa nakaraang Star Awards for Music na ginanap sa Solaire Resort & Casino nung isang gabi.

Marami nga ang nakapansin nasa bad mood daw si Regine nung gabing iyon pero emotional naman siya nang tinanggap ang naturang award.

Maaring nag-aalala lang ang singer-actress sa kalagayan ngayon ni Mang Gerry na nasa hospital pa rin hanggang ngayon.