Mga babaye ni John

CEBU, Philippines - Tsika pa ni Rachelle Ann Go nga magtagad sila ni Isabel Oli sa set Sunday All Stars sa GMA-7 ug dili sila magtabi kalabot ni John Prats. Kanhi uyab ni Rachelle Ann ang  uyab ni Isabel karon nga si John.

Mobalik

Human sa emosyonal nga pagpanamilit ni WiIlie Revillame sa telebisyon niadtong Sabado partikular na sa programa niya nga Wowowillie sa TV5,  gipasalig sa TV host ngadto sa iyang fans nga mobalik ra siya puhon sa paglugwa sa telebisyon.

Minsan Minahal Kita

Naghinam-hinam na sila si Angel Locsin ug Maja Salvador sa umaabot nila nga primetime series sa ABS-CBN ug duna kini working title nga Minsan Minahal Kita .

Sayo nahuman

Nahuman na ang taping alang sa tanang eksena sa seryeng Bukas Na Lang Kita Mamahalin sa ABS-CBN busa gipahigayon na sa miaging adlaw ang  thanksgiving party sa cast ug  production staff sa maong serye.  Hangtud pa karong Disyembre malantawan sa telebisyon ang Bukas Na Lang Kita Mamahalin.

Sharon nag-negosyo

Gawas sa iyang pagka-busy sa showbiz, namaligya usab og Christmas gifts baskets nga  negosyo niya ug sa iyang bana nga si kanhi Senador Kiko Pangilinan. Suma pa ni Sharon nga nagkakusog ang iyang negosyo gumikan kay puros kini organic products.

Georgina mitabang sa mga kabos

Nagbaha ang mga endorsements ni Georgina Wilson busa wala’y duha-duha nga nidangop ang modelo sa mga nahimo niya nga kliyente alang sa iyang proyekto nga makabaton og mga balay ang mga kabus.

Pelikula gibalibaran ni Sunshine

Adunay movie producer nga nitanyag ni Sunshine Cruz og sexy movie. Gibalibaran kini sa aktres ug matud pa niya nga  hagbay ra niya nga gilikayan ang pagpa-sexy sa pelikula gumikan kay duna na siya’y mga anak.

Proud sa uyab

Gitataw ni Maxene Magalona nga dili siya susama sa ubang tawo nga isekreto ang ilang mga lovelife. Nagkanayon ang aktres nga iyahang gipasigarbo ang non-showbiz boyfriend niya nga si Chino Capuyoc.

That’s My Tomboy

Human nikisaw niadto ang Super Sirena  sa Eat Bulaga, nahimo usab karon nga trending sa mga social networking sites ang segment sa It’s Showtime nga “That’s My Tomboy”.  Giingong gilinyahan pag-ayo ang audition sa maong segment.

Mike magpa-bukid

Gibutyag ni Mike Tan nga mobakasyon siya sa bukirang dapit sa Pilipinas sa higayon nga mahuman na ang taping sa Mga Basang Sisiw. Naandan na sa aktor nga magpa-bukid kung ganahan kini mo-relax ug bus lang ang sakyan niini.