Sikat nga singer, tomboy

Hola tinola! Mga SweetKabutanding! Hugyaw ang nasinati sa inyong Yur’s truly ug sa 100 ka tawo sa pag-ari sa programa nga “ Magpakailanman” sa GMA7. Dinhi sila sa Sugbo para e-shoot ang istorya nga gikan sa trahedya atong nagbangga nga barko. Napasalida kini kagabii, diha nako nasuta kung unsa ka importante ang mga extra sa pagbuhat sa maong episode. Mapasalamaton kaayo ko ni tita Ezer Chan nga maoy nitabang nako sa pagkuha sa mga extra. Unang adlaw sa shooting medyo dili sayon ang mga eksena kay ang pagkalunod na niini ang gikuhaan. Nibilib ko ni Yasmin Kurdi kay maayo kini moarte gatan-aw pa lang ko sa maong eksena nakahilak man hinuon ko. Mas nibilib ko kay best in lenggua kaayo nga “ Hi Yuri, naalala mo pa noon na interview mo ako? Fifteen years old lang ako noon.” Dali kaayo ko nitubag nga siya ang una nakong interview sa showbiz world! Maayo kaayo kini makighugoyhugoy sa   ubang extra nga naa sa among nahimutangan hangtud we exchanged numbers. Ang kapikas ni Yasmin kay usa na ka pilot karun. Bongga! Naukay ang akong mga sisterette sa eksena ni RodJun kay pagkita namo sa lawas ... makapangayo ka og extra rice... hahahahahaa!

Kung kaon ang hisgutan, ang mga extra sa unang adlaw sa shooting sa Magpakailanman naluoy ko kay dugay kaayo nakakaon. Adunay mga extra with lines meaning dunay isulti nagpaabot og halos walo ka oras ang ending kay pagka ugma pa kuhaan ang ilang eksena. Nakasabot ko sa mga panghitabo, pero niulbo na ang akong kaspa sa ikaduhang adlaw sa shooting   kay sa ikaduhang higayon dugay na usab nakakaon ang akong mga gipangkontak nga extras nga halos hapit nako giaway ang ilang in-charge sa pagkaon. Sa mga panghitabo nagkasalimuang ko og pangita og kopya sa salida ni Ate Vi (Vilma Santos) katong indie film niya nga “Extra”. Dili diay ana kasayon mamahimong extra. Dugay makakaon, call time og sayo human uli, ug dugay, usahay tungod kay extra lang deadmahon lang ka sa daplin. Hinaut ko nga sa sunod og balik sa Magpakailanman dili na sama ing-ani ang among masinati. Kay sa tinuod lang, sa ubang teleserye o salida nga among naraket nganong maayo man? Hangtud sa sunod... ang peg ani kay go lang go!

First time nako walay tulog, duha ka adlaw galutaw ang akong pamati. Ingon pa ni JC Tiuseco   “Yuri nakita kita kaninang umaga (BuenaManoBalita) kaya mo ba?” Nipahiyom ko kay gwapo baya si JC unya nitubag ko kaya pa! Wala ko nireklamo kay ang akong gihunahuna ang akong mga responsibilidad...hehehehehe... ang peg ani kay feeling 16 years old lang!

Kinsa Siya ??? Kinsa siya kining sikat nga singer nga tomboy daw? Ingon pa sa atong Kinsa Siya Insider nga kining sikat nga singer tomboy kay kung adunay show dunay bitbit nga babae? Dili ko makatuo sa iyang ka gwapa dunay gitagoan nga gibati .....gibati   pagka lalaki! Well, huwaton nato ang iyang paglugwa! Come and go peg!

Atangi Sunod Domingo: Marian Rivera Fans Day sa Dumaguete City ug Kapuso Night sa Sidlakan Village, Dumaguete City.