Bianca walang paki sa pagpapakasal nina John at Isabel

May non-showbiz boyfriend ngayon ang ex-GF ni John Prats, ang dating beauty queen-turned actress na si Bianca Manalo.

Masaya na umano si Bianca sa piling ng kanyang bagong kasintahan kaya ayaw niyang makisawsaw kung maligaya man ngayon ang kanyang ex-BF sa piling ng nobya nito ngayon na si Isabel Oli na balak na umanong pakasalan ng actor-dancer.

Ayon sa beauty queen-actress, matagal na siyang nakapag-move on after her break-up with John.

Boy mukha ng The Buzz at Startalk

Sina Boy Abunda at Kris Aquino ang orihinal na mukha ng long-running showbiz talk show ng ABS-CBN, ang The Buzz in the same manner na sila ring dalawa ang nagsimula ng Startalk ng GMA. Silang dalawa rin ang nagsimula ng Showbiz News Ngayon o SNN.

Kakaiba ang chemistry nina Boy at Kris bilang talk show hosts. Pero si Kris parati ang nauunang umalis sa kanilang tambalan.  Ganoon pa man, kahit ilang beses nagpalit ng hosts ang The Buzz at Startalk, nanatiling matatag ang dalawang programa sa magkahiwalay na istasyon. 

Soon, mapapalitan ang mga co-host ni Boy na sina Charlene Gonzales at Toni Gonzaga at papasok sina Janice de Belen at Carmina Villaroel na nagmula sa nagsarang Showbiz Inside Report. 

Denise hindi babawalan ng mapapangasawa na mag-showbiz

Walang nakaalam kung sino ang ama ng love-child ni Denise Laurel dahil never itong inamin ng singer-actress sa publiko.  Kung inilihim ni Denise ang identity ng ama ng kanyang anak, hindi naman niya itinatago ang kanyang bagong nobyong basketbolista na si Sol Mercado na nag-propose na ng marriage sa kanya last September 30.

Kahit mag-asawa na sina Denise at Sol, wala umanong balak ang huli na pahintuin sa kanyang showbiz career si Denise dahil alam niyang mahal niya ang kanyang trabaho.

Kaya Salve A., isama na sina Denise at Sol sa listahan ng mga ikakasal sa susunod na taon bukod pa kina Jericho Rosales/Kim Jones at Nadine Samonte/Richard Chua.

Alexa Ilacad nagkaka-career na

Unti-unti na ring gumagawa ng pangalan si Alexa Ilacad, anak ni Guy Ilacad ang na­kababatang kapatid ng OctoArts big boss na si Boss Orly Ilacad.

Si Alexa ay madalas ipareha ngayon sa dating child actor na si Nash Aguas.  Pareho silang graduate ng Goin’ Buliit at kasama sa Sunday afternoon youth-oriented program na Luv U ng ABS-CBN.

Since galing sa larangan ng mu­si­ka ang mga Ilacad, malamang na may ma­gandang singing voice si Alexa. Ang kanyang uncle na si Boss Orly Ilacad ang leader at lead vocalist dati ng Orly Ilacad and the Ramrods nung dekada `60 bago nito itinatag ang Vicor Music Corporation with cousin Vic del Rosario, Jr. na siyang big boss ngayon ng Viva Group of Companies at si Boss Orly naman sa OctoArts.