Alice Dixson matandang dating taga-showbiz ang karelasyon! Mapapangasawa ni Miriam overwhelmed sa atensiyon ng media

SEEN: Kahapon ang 44th birthday ni Sen. Francis Escudero, ang ipinagmamalaki ni Heart Evangelista na “the best person” na nakilala niya.

SCENE: Hindi kailangan ang opinyon ni Mariel Rodriguez sa mga pahayag ni Robin Padilla tungkol sa friendship nito kina Senators Jinggoy Estrada at Bong Revilla, Jr.

Bilang asawa ni Robin, dapat alam ni Mariel kung saan siya lulugar.

SEEN: Sumobra ang pag-inom ng gamot na nakaapekto sa kanyang kidney ang dahilan ng hospital confinement ni Eva Cariño, ang ina ni Robin Padilla.

SCENE: P55 million ang box-office gross ng Momzillas sa dalawang linggo na pagtatanghal nito sa mga sinehan, hindi na masama para sa comeback movie ni Maricel Soriano na naapektuhan ang popularidad ng mga kontrobersya na siya rin ang may kagagawan.

SEEN: P2,970 ang pinakamahal at P265 ang pinakamura na presyo ng tickets ng King of the Gil, ang dance concert ni Enrique Gil sa Smart Araneta Coliseum sa Nov. 29.

SCENE: Fantasy comedy ang Honesto, ang bagong programa ng ABS-CBN tungkol sa bata na nagbabago ang hugis ng ilong sa tuwing nagsisinungaling siya.

Inspired ni Pinocchio ang karakter ni Honesto.

SEEN: Lalaki na malaki ang agwat ng edad sa kanya at dating may koneksiyon sa entertainment industry ang diumano’y bagong inspirasyon ni Alice Dixson, ang lead star ng For Love or Money ng TV5. 

SCENE: Overwhelmed si Ardy Roberto sa atensiyon na ibinigay ng media sa engagement nila ni Miriam Quiambao.

Monitored ni Ardy ang lahat ng mga balita na lumalabas at ni-like niya ang entertainment website na nag-publish ng kuwento tungkol sa love story nila ni Miriam.