Jessy hindi nanghinayang kay Matteo

Sa Lunes ay magsisimula na sa Kapamilya Network ang teleseryeng Maria Mercedes na pinagbibidahan nina Jessy Mendiola, Jason Abalos, at Jake Cuenca. Inamin ni Jake kamakailan na may balak din siyang ligawan si Jessy matapos kumpirmahin ni Sam Milby na nililigawan na niya ang dalaga.

Ayon kay Jessy, mas nakalalamang daw ngayon si Jake dahil halos araw-araw silang magkasama sa trabaho.

“May edge siguro dahil lagi ko siyang kasama. Iba kasi si Jake eh, siguro iba siya manligaw. Aminin naman natin Jake is Jake Cuenca. Kapag naririnig mo ’yan, angas, confidence, siguro ’di pa siya sanay sa gano’ng klaseng panliligaw pero iba ’yung dating niya sa mga babae eh,” paliwanag ni Jessy.

Kamusta naman kaya ang panliligaw ni Sam sa dalaga ngayon? “Consistent naman, sweet si Sam. Siyempre kinikilig din naman ako. Sobrang bait niya. ’Yun nga sinasabi nila, ‘Sino ang pipiliin mo?’ Puwede bang wait lang? Puwedeng let’s take things one step at a time,” natatawang sagot ni Jessy.

Samantala, wala raw nararamdamang panghihinayang ang aktres kung hindi man sila nagkamabutihan ni Matteo Guidicelli noon.  “Sa akin kasi hindi ’yun sa panghihinayang. Hindi ’yun sa pag-udlot. It’s just things happen for a reason and I believe that kaya ’yun nangyari kasi ito ’yung kapalit and right now ’yung blessing na ito na masaya ako. I’m very, very happy. Sa totoo lang, sa isang tao, napakasarap ng feeling that you are being admired by many and it’s the first time I felt like this and I feel really happy. I feel really confident with myself,” pagtatapos ng dalaga.  

Dahil kay AIAI, Edward mas kilala nang ‘BIG BIRD’

Nilinaw ng baguhang aktor na si Edward Mendez na hindi siya ang bagong manliligaw ni AiAi delas Alas. Matatandaang ibinuking ni Marian Rivera na mayroong bagong dumidiskarte sa Concert Comedy Queen nang mag-guest ang dalawa sa The Buzz noong Linggo. Ayon kay Marian, guwapo, malaki ang katawan, at mukhang foreigner daw ang bagong manliligaw ni AiAi, mga bagay na tumutugma sa hitsura ni Edward.

“Kahit sino naman mai-in love kay AiAi sa perso­nality niya eh, as a person. I think a lot of people are in love with her in general. Napaka-beautiful person niya in and out,” nakangiting pahayag ni Edward.

Tinukoy din ni AiAi na gifted daw si Edward kaya ikinagulat ito ng binata.

“When AiAi said that I’m gifted, I just take it as a complement kung anuman ang ibig sabihin no’n completely kasi I’m unassuming eh. So, it’s a new discovery for me. So, I guess a lot of people call me now as ‘Big Bird’ for some reason. I don’t know if I should be happy about it or not. I guess I’m flattered,” natatawang pagbabahagi ni Edward.

Samantala, mayroong kissing scene ang aktor at si Marian sa pelikulang Kung Fu Divas. Hindi kaya nailang si Edward noong napanood ito ng kasintahan ng aktres na si Dingdong Dantes sa katatapos pa lamang na premiere night noong Martes?

“Well, trabaho lang, naiintindihan niya rin naman ’yon eh. Dingdong is a nice guy. We know each other matagal na, so he knows me naman very well.

“Saka hindi si Edward ang nag-kiss kay Marian, si Kojic ang nag-kiss kay Samantha (tukoy niya sa mga karakter nina Edward at Marian sa pelikula),” giit ni Edward.  Reports from JAMES C. CANTOS