Joke ni Alex siya lang ang tumawa

SEEN: Hindi napuno nina Charice at Aiza Seguerra ang Smart Araneta Coliseum. Forty percent lamang ang audience attendance ng kanilang Power of Two concert noong Sabado. 

SCENE: May acting ang mga kilos at pagsasalita ni Lea Salonga sa finale night ng The Voice of the Philippines noong Linggo.

SEEN: Corny ang mga punchline at pananamit ni Alex Gonzaga sa huling gabi ng The Voice of the Philippines. Siya lang ang natawa sa kanyang pagtatanong kay Shane Filan kung kamag-anak ito ni Ted Failon.

Si Shane ang ex-lead vocalist ng British boyband na Westlife.

SCENE: Healthy showbiz couple sina John Lloyd Cruz at Angelica Panganiban nang panoorin nila ang live finale night ng The Voice of the Philippines. 

SEEN: Lumipat sa kampo ni Brandon Rios si Alex Ariza, ang dating strength coach ni Congressman Manny Pacquiao.

Si Rios ang makakalaban ni Pacquiao sa November sa Macau, China.

SCENE: Bukas ang misa at people power support kay Gov. ER Ejercito ng kanyang mga supporter sa Laguna Provincial Capitol, Sta. Cruz, Laguna.

SEEN: Kahapon ang blessing ng pangalawang branch ng Ryu Ramen sa Up Town Center, Katipunan Avenue, Quezon City. Restaurant business ni Ogie Alcasid at ng kanyang mga kaibigan ang Ryu Ramen.

SCENE: Nagluluksa si Sharon Cuneta at ang pamilya niya dahil sa pagpanaw noong Linggo ng kanyang kapatid na si Boyking.