Joel Torre paaandaran si Edu

MANILA, Philippines - Ngayong Sabado, ang award-winning actor na si Joel Torre ang isa sa mga makakasamang magpasabog ni Edu Manzano sa isa na namang nakakaaliw na gabi ng What’s Up Doods? sa TV5, alas-nuwebe.

Kakabugin ni Joel ang kanyang pinag-usapang performance sa critically-acclaimed indie movie na On the Job sa pamamagitan ng isang trailer na pinamagatang In the Car, na prinodyus ng Imagine Films.

Si Jinri Park naman, patutunayang hindi lang siya isang magandang mukha kundi seryoso ring aktres sa no-holds-barred na tsikahan with Edu.

Magsasalita rin at babasagin na ni Jinri ang katahimikan tungkol sa kanyang pagkaka-link sa heartthrob na si Ramon Bautista.

Ang makulay na interview naman ni Edu kay Brother Ed ng Magic 89.9 ay mapapanood na rin sa wakas ngayong gabi.

Kung  sa pilot episode ng What’s Up, Doods?, naging game si Edu sa challenge ng pagiging salon assistant, mamaya kaya, ano naman ang susuungin niyang task sa Kaya Mo Ba, Doods?  segment?

Ang lahat ng iyan at marami pang pakulo ang dapat abangan ng viewers sa pagpapatuloy ng pinakabago at pinakakuwelang late-night comedy talk ng Kapatid network, ang What’s Up Doods?, hosted by Edu Manzano, ngayong Sabado, alas-nuwebe ng gabi.