Libre lang
CEBU, Philippines - Gikatahong boluntaryo ang paglugwa nila ni Maricel Soriano, Iza Calzado, Dingdong Dantes ug Andi Eigennman sa pelikula ni Joey Paras nga Bekikang: Ang Nanay Kong Beki. Adunay espesyal nga partisipasyon sa pelikula ang maong mga artista ug matud pa wala sila nangayo og talent fee.
Joey mapaubsanon
Gibutyag sa komedyanteng aktor nga si Joey Paras nga dili siya ganahan nga ikumparar siya ni Vice Ganda gumikan kay mas nag-una pa kini kaniya."Wala naman dapat ikumpara o itapat, kasi Vice Ganda na siya, e,†matud pa ni Joey.
Elevator girl sa MMK
Ang istorya sa kinahuhi sa Youtube sensation nga si Cherry Alejandrino nga nailhan usab isip elevator girl maoy malantawan ugma sa gabii sa Maalaala Mo Kaya. Kahinumduman nga nisikat ang video ni Cherry gumikan kay gipakita niya ang maayong pag-abi abi sa mga tawo nga mosakay sa elevator sa usa ka mall didto sa Olongapo.
Julielmo fans naukay ni Ruru
Giklaro ni Ruru Madrid nga wala siya manguyab kang Julie Anne San Jose busa nihangyo siya sa iyang kritiko nga mohunong na sa pagsige og atake kaniya. Gikatahong nagyawyaw ang mga fans nila ni Julie Anne ug Elmo Magalona (JuliElmo fans) sa dihang nakadungog og mga hungihong nga matud pa nidiskarte si Ruru ngadto sa singer.
Derek nag-sorry sa fans
Nangayo og pasaylo si Derek Ramsay sa iyang mga followers sa Instagram gumikan kay iyahang gi-deactivate ang iyang account. Nihimo og laing account ang aktor apan iyaha kining gipribado.
Serye nakatabang ni Sunshine
Gibutyag ni Sunshine Cruz nga dako kaayo og natabang kaniya sukad siya nalakip sa seryeng Dugong Buhay. Matud pa sa aktres nga ang pagka-busy niya sa taping maoy usa sa rason nga dali ra siya naka-move on sa separasyon nila sa iyang bana nga si Cesar Montano.
One year na!
Mo-usa ka tuig na karong Oktubre ang relasyon nila ni Charice ug Alyssa Quijano. Nagkasinabtanay ang duha samtang nagdagan ang programa sa ABS-CBN nga The X-Factor Philippines sa miaging tuig. Usa si Charice sa nahimong hurado sa maong show kung diin contestant si Alyssa.
- Latest
