Pagrampa ni Aljur inisnab nina Kris at Kylie

Si Aljur Abrenica ang unang rumampa sa 10 Celebrity Hunks sa Cosmo Bachelor Bash last Tuesday. Kinanta nito ang Blurred Lines ni Robin Thicke na kung inyong natatandaan naging controversial sa MTV Video Music Award dahil sa twerking ni Miley Cyrus.

Sa kaso ni Aljur, may kasama siyang dancer sa stage, pero walang nag-twerking kaya hindi siya naagawan ng eksena. Also, hindi nagpahuli ang aktor kung ganda ng katawan ang pag-uusapan dahil may abs din ito at fit. May beki ngang malaki ang crush sa kanya at naglambing sa isang taga-GMA Network na ipakilala siya sa aktor. Hindi lang namin alam kung naipakilala ang beki sa aktor.

Wala ang GF ni Aljur na si Kylie Padilla sa Cosmo Bachelor Bash na nauna na niyang sinabi hindi siya manonood. Wala rin si Kris Bernal na kapareha ng aktor sa Prinsesa ng Buhay Ko.

TV host-actor pipirma na sa dating ‘Tahanan’

Kinakabisado ng isang TV host-actor (TVHA) ang kantang Home ni  Chris Daughtry na nakilala sa American Idol 5. Ang sabi, kakantahin ito ng TV host-actor sa guesting niya sa  show ng network kung saan siya pipirma ng kontrata.

Kumakanta si TVHA, hindi siya mahihirapang kumanta lalo’t he is given enough time to rehearse para walang palpak ‘pag kinanta na niya ang nasabing song na naging signature song ni Daughtry.

May line sa chorus ng Home na “We’ll I’m going home, back to the place where I belong and where your love has always been enough for me.”

Ang tsika pa, may date at venue na kung kailan at kung saan pipirma ng kontrata si TVHA sa lilipatang network. Ayaw munang magsalita ng kampo ni TVHA at nakakatulong na hindi napagkikita si TVHA para hindi siya natatanong tungkol sa nababalitang paglipat niya ng network.

Cesar hindi pa sigurado ang pagdidirek ng Sugo

Pinost ni Rocco Nacino sa Instagram account ang binigay na DVD ni Cesar Montano ng Hollywood movie na The Great Raid  na ginawa ng aktor sa Hollywood. Ikinatuwa ng Rocco ang dedication ng co-star sa Akin Pa Rin ang Bukas na “See you in Hollywood!”

Sagot ni Rocco: “Thank you kuya @cesar77montano!!! This will serve as my motivation to become a better actor #fanmode #passion&drive.”

Natutuwa si Rocco dahil marami silang mga eksenang magkasama sa Akin pa Rin ang Bukas at tiyak na inoobersabahan niya kung paano umarte si Cesar.

Samantala, hindi nakakausap ng press si Cesar para tanungin at kumpirmahin nito ang balitang siya ang pumalit kay Tikoy Aguiluz na magdirek ng Sugo. Kinukuha raw si Cesar bilang aktor sa nasabing pelikula at tama namang nang kausap siya ay may problema kay Direk Tikoy kaya in-offer sa kanya ang pagdidirek.

Bianca nagbakasyon kasama ang non-showbiz BF?!

Hindi na hinintay ni Bianca King na mapanood ang ending ng Maghihintay Pa Rin, ang Afternoon Prime soap nila nina Rafael Rosell at Dion Ignacio bukas dahil umalis ito noong September 24 ng bansa para magbakasyon sa Amerika.

In-anounce ni Bianca sa Twitter ang pagbabakasyon habang wala pa siyang kasunod na show sa GMA 7. Hindi nito binanggit kung sino ang kasama sa pagbabakasyon, pero lately, madalas nitong makasama sa mga lakad ang sinasabing non-showbiz boyfriend.

So, kahit sweet-sweetan sila ni Rafael sa taping ng Maghihintay Pa Rin, hindi natuloy sa relasyon ang sweetness ng dalawa. Naalala naming pinakiusapan pa ng aktor si Bianca na ‘wag munang magbi-BF habang may soap sila para walang distraction. Lumabas ang non-showbiz BF ng dalaga sa gitna ng soap and in fairness, hindi nasira ang trabaho nila ni Rafael.