Fashion Designer nangaway og host!

Hugyaw nga Domingo kanatong tanan mga Sweet Kabutanding! Hugyaw kung Hugyaw ang usa ka semana nga mga kalihukan sa Cebu Press Freedom Week. Mao nga gigahinan gyud ni nako og oras, sama na lang sa Opening Fellowship Night sa Cebu Press Freedom niaging semana samtang gakanta ang banda nga maoy naghatag og musika , abtikay pud ko og meeting para sa usa ka event. Dako kaayo ang akong pasalamat sa kalibutan nga akong nasudlan dili lang kini nako gimahal kung dili mas nihatag nako og kahigayonan sa daghang oportunidad.

Pero usa ka mensahe ang akong nadawat sa usa ka Kinsa Siya Insider nga nakasaksi og eksena sa usa ka event. Iyang gisaysay sa dihang nagpadayon ang nahitabo sa entablado, nilugwa ang usa ka sikat nga fashion designer nga medyo nakainom na kini ug kalit lang nga ni eksena. Best in wayway kuno. Kaaway diay sa sikat nga fashion designer ang maong host sa event.... NaHugyaw ang tanan sa gibuhat sa sikat nga designer kay duna pa gyud kini'y mga pulong nga gibatbat nga pang SPG. Dugang pa sa Kinsa Siya Insider nga gigukod sa host si Designer. Napuno sa tensyon ang kagabhiun, maayo na lang walay major major gyud nga nahitabong mga eksena nga sinagpaay, bugno, in short walay nagkadugo pero ako po ay naniniwala sa kasabihang "ang baba mo ratarattarat nga morag armalite" mas sakit pa ang igo sa kaugalingon. Sa wala pa nakalakaw si Designer kay gi-istorya siya sa usa sa mga tag-iya. Si Host gipakpakan sa candidates kay best in composure lang ang peg! Kinsa si Fashion Designer? Of course taga Cebu! Kinsa si Host? Bisag asa imo kining makit-an kay shofa kaayo basta gabii. Hahahahahahhaaha!

Nilarga na gyud ang usa sa duha nako ka BFF nga si Harry "Heart" Cequina sa Dubai mao nga usa ka gabii amo kining gipahimuslan, gihatag gyud nako ang akong oras sa akong BFF. Kauban si Dudes naHugyaw ko kay  pagsulod nako sa Club Holic Bar sa Mango kay naay mga kuyog nga mga gwapong boys. Abtikay kaayo. Moment kung moment kaayo mi sa akong BFF and dudes and the boys hangtud niduol ang usa sa mga owners sa ClubHolic ug best in chica kaayo mi. For the first time kay gi-tour mi ni Honey -C sa bar, I'm so amazed sa kadako sa mga private rooms , maayo kaayo ang aircon kay bugnaw wala ko gisingot ug ang labaw sa tanan ang Music! Imbes magpacute-cute ko, (pa cute cute gyud?), wala nako kapugngi nga mohataw sa dance floor plus ang mga waiters very friendly unya dili ka mahadlok kay ang mga security guard best in bantay. Tungod sa kalingaw namo nakalimtan namo ang oras. Mag BuenaMano Balita pa akong beauty but it's all worth it. Wala ko nalipong o nahubog kay nag lady's drink lang ko. Hahahahahhahaha!

Hello sa tanan nato nga suki sa Bischika diha sa Barangay Kalunasan ilabi na sa mga aktibo nga kabatan-onan diha ilabi na nila ni Rada Ibon, Kamil Cabasa, Angel Gabunada, Cristine Ruiz, Bebs Barabat, Fratzie Largo, Kim Patalinghug ug Ella Espinido. Maayong pagbasa pud sa presidente sa Youth Organization of Lower Kalunasan (YOLK) nga si Jun Kekang Jacaban.

Atangi sunod Domingo: Back to Back Kapuso Mall Show sa Dumanjug,Cebu ug Kapuso Night sa Argao,Cebu.