AiAi at Marian na-distract at inireklamo ang malaking ‘bird’ ng hunk actor

Pinatawa ni AiAi delas Alas ang press sa mga pinagsasabi sa presscon ng Kung Fu Divas na showing sa Oct. 2. Dahil daw kay Marian Rivera, nagpa-cater ang Star Cinema sa meeting para sa promo ng movie. Never daw ginawa ng Star Cinema ’yun at ginawa lang dahil kay Marian.

Napag-tripan din ni AiAi ang leading man nilang si Edward Mendez. Malaki raw ang “bird” nito at na-distract sila ni Marian. Nagreklamo sila kay Direk Onat Diaz pero hanggang reklamo lang.

Binuking din nito ang pagpapa-cute ni Marian kay Dingdong Dantes sa paglilinis ng aquarium dahil kahit kayang buhatin ang aquarium, pinabubuhat pa rin sa BF.

Nabanggit din ni AiAi na parang batang Maricel Soriano si Marian — napaka-sweet, totoong tao, at mas masungit pa raw siya rito. May right timing din ang aktres sa comedy. Gusto rin ni AiAi na makapareha ni Marian sa Star Cinema movie sina John Lloyd Cruz at Coco Martin.

Co-producer din sina AiAi at Marian sa Kung Fu Divas. Hirit pa pala ni AiAi, ang talent fee niya sa movie ang sosyo niya. Si Marian, bukod sa TF ay naglabas pa ng pera.

Young actresses kunwaring friends pero may silent war, bf ng isa may kinalaman?

Akala ba namin friends ang dalawang young actresses na ito? Bakit ang tsika, na-unfollow na ni Actress 1 (A1) si Actress 2 (A2) sa Twitter at Instagram? May nangyari ba sa dalawa na hindi pa natin alam?    

Parang kailan lang, nagtu-tweet pa sa isa’t isa ang dalawa at ’pag galing sa ibang bansa ang isa, laging may pasalubong sa isa. Anyare? Wala naman sigu­rong kinalaman ang BF ni Actress 1. Hindi nito pagbabawalan ang nobya na makipag-friends kay A2.

Nai-imagine na namin ang isasagot ng dalawang aktres ’pag natanong sa isyung ito, na hindi alam ni A1 na na-un­follow niya si A2 at isasagot ni A2 na naiintindihan niya si A1 at friends pa rin ang turing niya rito.

Enzo nakikipag-break ’pag feel lang

Hindi naman pala nag-break sina Enzo Pineda at Louise delos Reyes, para lang sa nalalapit na ending ng Mundo Mo’y Akin ang break-up nila. Towards the end of the soap, kinikilig na uli ang dalaga na pag-usapan si Enzo.

On the guy’s part, alanganin itong pag-usapan ang “breakup” nila ni Louise at sa presscon ng Dormitor­yo, “dating” ang status nila. Pero dahil kapareha niya si Lauren Young, hindi kami magugulat kung break na uli sila ni Louise.

Anyway, biggest break ni Enzo ang Dormitoryo na pilot this Sunday after Sunday All Stars. Siya ang bida rito kaya kailangang paghusayan niya para masundan pa ng ibang lead role. Ingat lang siya kay Ruru Madrid na mahusay umarte.

Gusto namin ang sagot ni Enzo sa isyung nalampasan na siya ni Rocco Nacino. Hindi raw niya inisip na nalagpasan na siya nito at hindi siya dapat magselos. “I got younger roles sa roles na nabibigay kay Rocco,” sabi nito.

Dating videographer lang, Direk Jerrold gagawin ang historical film ni Antonio Luna

 After Sana Dati, ang historical movie na Antonio Luna ang ga­gawin ni Direk Jerrold Tarog at kasama sa nag-audition for the said film sina TJ Trinidad at Benjamin Alves na nasa cast din ng Sana Dati. Kung mapipili ang dalawa, magiging reunion nila ang Antonio Luna.

Malaking pelikula ang Antonio Luna, marami ang nasa cast at may cameo si Jose Rizal. Wala pang napipili sa role ni Antonio Luna at kapatid na si Juan Luna. Next year pa ang start ng shooting.

Anyway, nalaman namin na wedding videographer si Direk Jerrold bago nag-showbiz at ’yun ang role sa Sana Dati nina Benjamin at Paulo Avelino pero hindi raw niya istorya.

Seven years na ang script bago nagawang pelikula kaya tuwa ang naramdaman nito nang magustuhan ng tao ang Cinemalaya entry. Sana magustuhan ng mas marami sa commercial run simula sa Sept. 25. Thankful si Direk Jerrold kay Atty. Joji Alonso na magdi-distribute ng movie at sa GMA Network na tumutulong sa promotion at bumili ng TV rights ng movie.

 For exhibition ang Sana Dati sa Pusan International Film Festival sa Oct. 4 at sa Hawaii International Film Festival sa Oct. 11-17. Sa Hawaii lang makakasama si Lovi Poe. Wish ng director na makasama ang ibang cast ng movie.