Lessons Learned

Mahuman na akong post paid plan 2000 (P1000 for the unit, P1000 for the internet), karong January 2014 puhon. Pagkakaron, pwede nako mag-ilis og unit bisag wala pa maimpas ang maong plan package. Pero dili na ko murenew gumikan kay target nako nga mangita ko og barato nga plan sanglit naka realize ko nga dili man gyud kaayo gamit nako ang internet kun naa ko sa balay, importante para nako ang social networking. Oh yes kay FB addict ko! And ganahan sad ko mu-tweet. So mangita na lang ko og package nga unli social networking. Nagtuo man gud ko og gamit kaayo nako ang internet, pero wala naman koy panahon mubasa kay inig abot sa balay mutan-aw naman ko og teleserye unya inig mata nako sa buntag mudiretso naman ko’g pangandam para gym. During my day off kada Domingo, mag-dvd marathon man ko.

Pero ang dakong rason gyud nganong dili nako anang mahal kaayo nga cellphone maong mahal pud ang plan, mao nga para nako, peer pressure ra gyud ang tanan. Para nako, tawhanon ra kaayo ko. Ang pagbaton nako og mahalon nga cellphone unit niadtong 2012 bunga ra gyud to sa kasina ug kaibog nga akong mga higala adunay mga hugyaw nga gadget. In the first place dili ra ba gyud ko techie nga pagkatawo. Ang importante lang gyud nako ang maka-text, dili gani ko mutubag kaayo og tawag ug dili sad ko manawag permi.

Naglagot ko sa akong kaugalingon gumikan kay ang nahimong samputanan mao nga maisip ra gyud ni og “want” kining maong cellphone. Magkadugay magka barato ang unit sa cellphone busa kun imong ibaligya, barato na lang ang pagkahalin niini sanglit murag kada buwan naa may bag-ong mga unit nga mugawas.   Sa kalisud sa pagkinabuhi karon angayan nga makamao gayud ka nga muhunahuna unsa gyud ang imong gikinahanglan (need) ug mao ra gayud ang imong paningkamotan nga mapanag-iya. Kun ang usa ka butang dili gyud nimo kinahanglanon apan imong paliton, mao na siya ang “want.” Ang want mabuhi ra ka o dili ra ka mapasmo bisan og dili nimo kini mapanag-iya. Sa maong sitwasyon, palpak ako hisgutanan kabahin sa need ug want. Pakkk!

Lain pang leksyon nga akong nakat-onan mao nga kun mipili pa lang ko og baratuhon nga plan ug wala ko nagpadala sa akong pagkatawhanon (meaning feel kaayo nimo nga murampa sa mall magbitbit sa imong mahalon nga gadget), dako na gyud unta ko og saving. Pero dili pa hinuon uwahi ang tanan gumikan kay ang mata nato kada buntag nagsimbolo og bag-ong posibilidad ug kahigayonan sa kabag-ohan ug kalambuan. Ug ang dugang pang leksyon nga akong nakat-onan mao nga sa higayon nga maimpas na ang akong plan, dili ko sa bangko mag-save sa akong kwarta kay gamay ra kaayo og tubo, dili gani hapit makaabot og 1% annually. Kun mubasa lang gayud kita my dear okRYANians makaamgo kita nga dili man diay ang bangko  lamang ang angayan nga himuang tipiganan sa imong tinigom kundili aduna pay daghan diin mutubo ang imong kwarta kun arisgado lang gyud ka. Pakpak

Magdungog gihapon kita sa okRYAN sa dyRC..Radyo Calungsod 648kHz., 10am to 12noon, Lunes hangtud Sabado. Mahimo pud sa www.dyrc-cebu.com. Pangitaa ko sa Facebook: [email protected]