Lovi at Jake nag-isnaban kahit magkatabi na sa upuan

PIK: Sinorpresa ni Joyce Ching si Krystal Reyes sa birthday cele­bration ng huli nung isang tanghali na ginanap sa Bethany Orphanage, sa Guiguinto, Bulacan.

Galing pa si Krystal sa General Santos City kaya na-late ito nang dating pero nagtiyagang naghintay si Joyce para makibahagi sa kanyang kaarawan.

Naging close ang dalawa nang magkasama sila sa Anna Kare­nina at kahit patapos na ito, tinitiyak nilang tuluy-tuloy ang kanilang friendship.

PAK: Kapansin-pansin ang hindi pagpapansinan nina Jake Cuenca at Lovi Poe sa premiere night ng pelikulang Lihis nung nakaraang Linggo na ginanap sa SM The Block sa SM North EDSA.

Nagkatabi pa silang dalawa ng upuan pero hindi sila nag-uusap. Ilang sandali ay tumayo si Jake at nag-CR yata. Pagbalik niya, hindi na ito umupo sa tabi ni Lovi.

May kinalaman kaya si Rocco Nacino sa pagkaka­labuan ng dalawa?

Ang Lihis ay isa sa mga ipapalabas bukas sa Sineng Pambansa filmfest na obra ni Direk Joel Lamangan.

BOOM: Marami ang nag-react na mga follower ni Ma­rian Rivera sa sinayaw nito sa Sunday All Stars.

Mukhang pauusuhin ni Ma­rian ang bagong dance steps na bubble butt na nahirapan din ang Kapuso actress.

Doon sa Kapuso Sunday show ay ikinuwento ni Marian na proud siya sa pictorial sa Rouge magazine dahil kasama niya sina Judy Ann Santos, Angel Locsin, Charlene Gonzales, at Anne Curtis.

Sa pictorial ay parang matagal na silang hindi nagkikita ni Angel na wala silang ginawa kundi tumawa lang nang tumawa at nagkakuwentuhan nga sila sa isang project na posibleng pagsasamahan ni­lang dalawa.

 â€œAng nakakatawa lang kasi ang bungad niya (Angel) sa akin, ‘O alam mo na?’

 â€œSiguro may mga idea na rin siyang naririnig at ang importante ay okay kami,” pahayag ni Marian.

Hindi pa niya ma-share sa ngayon kung ano ang gagawin nilang dalawa ni Angel na sana ay matuloy.