May pasasabugin daw ikawiwindang ng asawa: Raymart reresbakan na si Claudine

PIK: Si Raymart Santiago ang gaganap na si Tatay Gerry sa isang mahiwagang episode ng One Day Isang Araw bukas ng gabi sa episode na may pamagat na Obra Cadabra.

Sa taping nito ay umiiwas si Raymart sa mga reporter na magpa-interview. Pero ngayon ay napag-alaman naming malapit nang magsalita ang aktor tungkol sa sunud-sunod na mga kasong isinampa sa kanya ni Claudine Barretto. Mukhang may bago rin siyang sasabihin laban sa asawa.

PAK: Nagkikita na naman pala at lumalabas minsan ang dating magkasintahang Mark Herras at Ynna Asistio.

Pero nilinaw ni Mark na hindi sila nagkabalikan ni Ynna. Napanatili lang daw nila ang pagiging magkaibigan at napagkasunduan na nila kung pa­ano sila makakapag-move on sa kanilang breakup.

Hindi lang masabi ni Mark na posible silang magkaba­likan pero sa ngayon ay masaya sila bilang friends at mas abala sila sa kanilang trabaho.

BOOM: Napapag-usapan pa rin ngayon ang kontro­bersiyal na sex video scandal na kinasangkutan nina Wally Bayola at ng EB Babes member na si Yosh Rivera.

Tikom ang bibig ni Jose Ma­nalo sa isyung ito kahit kinulit-kulit ng ilang kaibigan sa taping ng Celebrity Bluff nung isang araw lang.

Kaya nilinaw nito na wala siyang Twitter account na pi­naglabasan ng mga komento niya kaugnay sa iskandalong kinasangkutan ni Wally.

Ginamit kasi ang mga naka-post sa Twitter account ng poser niya, kaya kaagad niyang kinorek na hindi sa kanya galing ang mga natu­rang komento.

Ang alam namin nagkakausap sina Jose at Wally pero hindi na ito ibinahagi ng komed­yante.

Ang latest na narinig namin, ang pinag­dududa­hang nagkalat din ng naturang video ay si Yosh daw mismo dahil may galit na ito ngayon kay Wally.           

Isang kaibigan daw ang tumawag kay Yosh para kumustahin ito, mabilis ang sagot ng naturang dancer na “Okay ako!”

Parang hindi apektado sa naturang iskandalo kaya napapagdudahang baka kagagawan din ito ng dalaga.

Pawang usap-usapan lamang iyon dahil wala pa rin namang inilalabas na pahayag sina Wally at Yosh.