Miss World gisupak sa Human Rights Commissioner

CEBU, Philippines - Usa ka Indonesian rights commissioner ang nipadayag sa iyang pagsupak sa pag-host sa nasud sa Indonesia sa umaabot nga Miss World pageant sunod buwan.

Suma pa ni Commissioner Maneger Nasution nga angayan nga mapanalipdan ang kabatan-onan sa ilang dapit sa posibleng impluwensya nga mahatud niini.

"We should not put women's bodies on display like a storefront, as if they are nothing but a commercial product,” suma pa ni Nasution.

Nasayran nga moabot ngadto sa 1,000 ka police ang gipang deploy sa Miss World aron maseguro ang seguridad sa tanang kalihukan sa nahisgutang indigay sa kaanyag sugod karong September 8. Gitakda ang koronasyon sa September 28. Apan ang gobernador sa Bali, Indonesia nga si Mangku Pastika nidepensa sa maong kalihukan, ug nisaysay kini nga makatabang kini sa pag-promote sa turismo sa ilang lugar.

Ang aktres nga si Megan Young maoy pambato sa Pilipinas sa nahisgutang indigay.

Echo ug Dingdong nagtabla

Kapamilya stars ang kasagaran nga nakadawat og pasidungog sa bag-ohay lang  Gawad Tanglaw awards niadtong Huwebes sa gabii.

Usa sa nagmaya og maayo ang aktor nga si Jericho Rosales human siya maoy napili nga Bect actor alang sa pelikula niya nga “Alagwa” ug nagtabla sila sa Kapuso actor nga si Dingdong Dantes alang sa pelikulang One More Try sa Star Cinema.  Nagbinugtong hinuon si Nora Aunor isip Best Actress award alang sa pelikula niya nga Thy Womb. Ang Gawad Tanglaw maoy kahugpungan sa mga   scholars, historians, humanities professors ug uban  pa nga mga personalidad sa akademya.

Mao kini ang listahan sa mga mananaug:

Best Actor: Jericho Rosales (Alagwa)  ug nagtabla sila ni  Dingdong Dantes (One More Try)

Best Supporting Actor:  Zanjoe Marudo (One More Try) ug nagtabla sila ni Allen Dizon (Migrante)

Best Actress: Nora Aunor (Thy Womb)

Best Supporting Actress: Sharmaine Buencamino (Requiem) tied with Ria Garcia (Melodrama Negra)

Best Director: Loy Arcenas (Requiem)

Best Film: "Requiem"

Best Editing: Raymond Red (Kamera Obskura)

Best Screenplay: "Bwakaw"

Best Cinematography: Albert Banson (Kalayaan)

Students’ Choice Award for Best Film: "The Animals"

Special Jury Prize for Film: "Migrante" and "Manenaya"

Presidential Jury Award for Film: Boots Anson-Roa

Natatanging Guro ng AB Mass Communication: Hon. Sol Aragones

Lifetime Achievement Award for Film Excellence: Star Cinema

Fergie nanganak na

Gihimugso na sa kanhi sakop sa Black Eyed Peas nga si Fergie ang himsog nga baby kagahapon pinaagi sa caesarean section.

Mao kini ang unang anak ni Fergie ug celebrity husband niya nga si Josh Duhamel.

Gipanganlan nila kini og Axl Rose ug duna’y gibug-aton nga seven pounds ug matud pa sa singer nga gibase ang maong pangalan sa lead vocalist sa American hard rock band nga Guns N' Roses.

Kahinumduman nga gikanta sa 38- anyos nga singer ang hit song sa Guns 'N Roses nga "Sweet Child O' Mine" niadtong 2011 Super Bowl halftime show.

Tuig 2009 sa dihang gikasal sila si  Fergie ug Josh didto sa Malibu, California. Kahinumduman nga taud-taud nga nipahuway si Fergie gumikan kay ni-focus kini sa kinabuhing minyo. Nagsugod si Fergie sa iyang solo career niadtong 2006 ug siya ang nagpasikat sa kanta nga  "London Bridge," "Big Girls Don't Cry" ug "Clumsy."