Daot, itom og liog

Hello sa mga suki nako diri kada Domingo!  Lain na pod nga semana sa mga pagtubag nako sa inyong mga pangutana bahin sa pagpagwapa, panamit, pamatasan ug uban pa. Ipadayon lang gihapon ang pag-text sa inyong mga problema. Labaw sa tanan ayaw kalimti og like atong facebook page nga Anah Lang!

 1. Hi Ate Anna! I’m Shinley from Argao. Ask lang unta ko if unsa ang makapaputi sa akong liog ug unsay angay nakong suoton para matabunan ako liog nga di lain tan-awon nga bagay nako kay medyo tambok man ko. Thank you Ate

Hi Shinley! Ang fresh nga lemon juice kung imong ipahid sa imong liog makatabang pagpaputi niini. Pwede sad ang local nga lemonsito. Buhata kini kada gabii ug kada buntag inig kaligo nimo. Medyo dugay ang resulta pero epektibo gyud.

 2. Hi Ate Anna! I’m Jigger from Hipodromo. Ask lang unta ko kung unsaon nako akong buhok? Mura man siya’g damaged ate pero virgin pa ni siya wala pa kasuway nga nabutangan og mga chemicals. Thank you

Hi Jigger! Maayo nga wala pa nakasuway imong buhok og chemicals. Maayo nga dili kini nimo anaron para dili mosamot ang kadaot niini. Para sa imong buhok, gamit og egg yolk ug ipahid kini sa imong buhok. Dapat ang egg yolk lang ug ayaw apila ang egg white. Ipabilin kini sulod sa 20mins ug waswasi og bugnaw nga tubig.

3. Helo I’m Roelyn of Talisay Cebu. Ask lang unta ko, unsay angay nako nga cut sa hair kay akong nawong gamay man unya taas pod suwangon man gud ko. Salamat te.

Hi Roelyn! Kung imong nawong kay taas og suwangon, dapat shoulder length lang imong buhok. Mas maayo og medyo kulot imong buhok para maghatag kini og ilusyon nga lapad imong nawong. Maayo nga kini kay layered ug nagsugod ang pinakamubo nga layer sa imong suwang.

4. Hi Ate Ana. Im Micheniez of Pusok, LapuLapu City. Unsay angayan e sul-ob para dako ko tan-awon nga gamay man gud ko’g tiyan nga gamayon man gud ko nga baye. Thank you

Hi Micheniez! Kung ikaw daot nga pagkababaye ug gamayon, pagsul-ob og mga flared nga pantalon ug mga dress pareha sa peplum style. Makatabang sad ang pagsul-ob og bakos sa imong hawak para makahatag kini og kurba sa lawas. Likayi ang fitted kaayo nga mga sanina ug sobra sad ka baggy. Likayi pod ang mga dark color ilabina ang itom para di kaayo ka mosamot kadaot tan-awon.

Pangutana kang Anna kabahin sa fashion, beauty ug personality development? Ipadala ka na dungan sa imong ngalan ug address ngadto sa 0939-131-6599, sa dili pa ang 10a.m. karong adlawa, August 25. Huwata dinhi sa musunod nga mga Domingo ang tubag sa imong pangutana ug ayaw na pag-miscall o pamugos nga tubagon ang imong text. Text, text, text na!

Ahos batok Lung Cancer

Usa ka pagtuon niining bag-o lang ang nagbutyag nga ang pagkilaw og ahos ka duha sa usa ka semana, makatabang pagpaubos sa kahigayonan nga matakbuyan  og lung cancer. Ang pagtuon nga gipasiugdahan sa Jiangsu Provincial Centre for Disease Control and Prevention didto sa China nagkanayon nga ang ahos matud pa  “potentially serve as a chemo-preventive agent for lung cancer.” Dugang pa nga ang pagkaon og duha ka lusok nga hilaw nga ahos, makatabang sa mga kusog manigarilyo nga mapaubos ang risgo sa lung cancer balig 30%.