Nakipag-meeting na sa lawyer: Claudine nagpa-planong idemanda si Gretchen?!

SEEN: Nag-meeting si Claudine Barretto at ng kanyang abogado noong Miyerkules. Hinihinala na may kinalaman ang pakikipag-meeting ng aktres sa mga Instagram post ng ate niyang si Gretchen Barretto laban sa isang basher.

SCENE: Maaaring magsampa ng kaso si Claudine Barretto dahil patungkol sa kanya ang mga matitindi na mensahe ni Gretchen Barretto laban sa basher.

SEEN: Nakita si Ruffa Gutierrez at ang kanyang mga anak sa Sta. Rosa, Laguna noong Miyerkules. Sumama ang mag-iina kay Dra. Vicki Belo sa pagbibigay ng tulong sa mga biktima ng bagyo at baha sa Sta. Rosa, Laguna.

SCENE: Nagpadala ng mga pagkain noon ding Miyerkules sa mga biktima ng baha sa Taguig City ang Dreamscape ng ABS-CBN.

Ang Dreamscape ang producer ng Juan dela Cruz, Muling Buksan ang Puso, at Huwag Ka Lang Mawawala.

SEEN: Naging civil sa isa’t isa sina Laguna Gover­nor ER Ejercito at President Noynoy Aquino nang mamigay sila ng tulong sa mga residente ng Biñan, Laguna.  

SCENE: Mahigit sa P100 million na ang box-office gross ng Bakit Hindi Ka Crush ng Crush Mo? base sa report ng Box Office Mojo International sa mga pelikula na ipinalabas sa Philippine theaters noong Aug. 14 hanggang Aug. 18.