Jason abalos nilampaso na ng mga kasabay

Bagay kay Jessy Mendiola ang kanyang bagong role sa local version ng hit Mexican telenovela na Maria Mercedes na unang pinagbidahan ng sikat na Mexican singer-actress na si Thalia. Ang dalawa pang hit telenovela ni Thalia na Marimar at Maria la del Barrio ay nagkaroon na rin ng local remake na magkahiwalay na pinagbidahan nina Marian Rivera at Carla Abellana sa bakuran ng GMA. Ang ABS-CBN naman ang nakakuha ng rights ng Maria Mercedes na siya ngayong bagong teleserye ni Jessy pagkatapos ng Paraiso. Makakatambal ni Jessy as her leading men sina Jake Cuenca at Jason Abalos.

Tuwang-tuwa si Jessy sa pagpapaabot sa kanya ng basbas na galing mismo sa original star ng Maria Mercedes na si Thalia.

Samantala, marami ang nagsasabi na napapag-iwanan na si Jason Abalos ng kanyang mga kapa­ nabayan sa bakuran ng ABS-CBN.  Makabawi kaya siya sa pamamagitan ng Maria Mercedes?

Ano sa palagay mo, Salve A.?

Zia Quizon nag-effort magpapayat

Habang tumatagal ay lalong gumaganda si Zia Quizon, anak ni Zsa Zsa Padilla sa yumaong hari ng komedya na si Dolphy, laluna nung siya’y pumayat.  More than 20 lbs. ang nawala sa orihinal na timbang ni Zia.

Si Zia ay nakatakdang magkaroon ng post birthday concert sa Music Museum on September 26 (she turns 22 on September 23). Magsisilbi rin itong launch ng kanyang pangalawang album na pinamagatang A Little Bit of Lovin’ na siya rin mismo ang nag-compose at dedicated niya sa kanyang yumaong ama.

Kakaiba ang boses at singing style  ni Zia distinct from her mom (Zsa Zsa) at half-sibling na si Karylle.

Direktor ng MHL na-drain, nanghingi ng bakasyon sa Europe

Na-drain marahil si Direk Dominic Zapata sa pagdidirek ng hit drama series na My Husband’s Lover kaya humingi muna ito ng two-week vacation  sa Europe na matagal na niyang planong gawin.  Habang nakabakasyon si Direk Dom, si Dondon Santos muna ang pansamantalang nagdidirek ng MHL.

Personal:  Happy trip sa anak kong si Aila Marie Reyes na nakatakdang bumalik sa Japan ngayong Biyernes, August 23.  Si Aila ay graduating student ng Kwansei Gakuin University ng Nishinomiya City, Japan.