Matapos tumanggap ng programa sa TV5 Michael V. nanlilito sa pagiging loyal sa GMA

SCENE: Hanggang kahapon, hindi nawalan ng pag-asa si Rufa Mae Quinto na sisikat ang araw para sa first day run sa mga sinehan ng kanyang pelikula, Ang Huling Henya.

SEEN: Nalilito ang mga tao sa deklarasyon ni Michael V. na loyal siya sa GMA 7 ngunit magkakaroon siya ng show sa TV5.

SCENE: Dahil sa dengue, hindi natapos ni Michael V. ang taping ng kanyang mga eksena sa Pepito Manaloto na ipalalabas dapat noong Linggo kaya replay ang napanood ng televiewers.

SEEN: Kanselado kahapon ang PBA Games dahil sa sitwasyon sa Luzon at Metro Manila na dulot ng habagat at ng bagyong Maring.

SCENE: Ngayong gabi ang farewell episode ng Huwag Ka Lang Mawawala ng ABS-CBN. Kahapon lamang natapos ang taping para sa huling episode ng teleserye ni Judy Ann Santos.

SEEN: Magsasama-sama sina Gelli De Belen, Jasmine Curtis Smith, Ritz Azul, at Ogie Alcasid sa isang gag show ng TV5.

SCENE: Magwawakas ngayong hapon ang Kakambal ni Eliana ng GMA 7. Sa Lunes, papalit sa timeslot ng Kakambal ni Eliana ang Pyra, ang launching project ni Thea Tolentino.