Rufa Mae nakipag-reunion kay Erik

SEEN: Ang mabilis na pagtaba ni Jolina Magda­ngal dahil sa kanyang pagbubuntis. Matambok na ang mga pisngi ni Jolina sa episode kahapon ng Sunday All Stars ng GMA 7.

SCENE: Tourist attraction sa SM Mall Olongapo ang elevator girl na si Cheridel Alejandrino dahil pati ang mga celebrity ay pinupuntahan siya para sa photo-op.

SEEN: Nag-sorry si LJ Reyes sa Sunday All Stars viewers dahil hindi sinasadya na nakapagmura siya ng “P...i... sa isang segment ng programa.

Nawala sa sarili si LJ at bigla siyang napa-P.I.

SCENE: Chubby sa personal at puwedeng comedian si Kenneth Cruz, ang model ng McDo­nald’s TV ad na napansin dahil sa Good Kuya commercial nila ni Paolo Pingol na may Down Syndrome.

SEEN: Hindi na exclusive ang kontrata ni Rufa Mae Quinto sa GMA 7 kaya nakapag-promote siya kahapon sa ASAP ng ABS-CBN ng Ang Huling Henya. Nagkaroon ng reunion sa ASAP si Rufa Mae at ang kanyang ex-boyfriend na si Erik Santos.

SCENE: May blog ang direktor na si Joey Reyes tungkol sa P10-billion pork barrel scam na kinasasangkutan ng businesswoman na si Janet Napoles at ng mga senador.

Si Joey ang direktor at line producer ng pelikula ni Sen. Jinggoy Estrada na isinasangkot din sa P10-B pork barrel scam.

SEEN: May bulaklak na ipinadala kahapon si President Noynoy Aquino kay Mother Lily Monteverde na nagdiriwang ngayon ng 74th birthday.

.