Likayi ang pagka-pagaw

CEBU, Philippines - Hello mga ka-bonding nga suki sa kinaham ninyo nga mantalaan, ang Banat News nga motunol kaninyo sa mga impormasyon nga angayan ninyo nga masayran.

Karong adlawa, ako ipaambit kaninyo ang mga pamaagi aron dili kamo pagawon.  Kahibalo na kita nga kung kita pagawon,  maapektohan gyud  kung duna ta’y kaistorya sa personal ug maghatag na sa hanap  nga komunikasyon gumikan kay dili man kita masabtan sa atong kaistorya.

Isip usa ka DJ, aduna gyud ko’y gibuhat nga mga pamaagi aron dili ko pagawon gumikan kay gikinahanglan gyud sa akong trabaho ang klaro nga tingog aron masabtan ko sa mga listeners.

Dili lang kini applicable sa mga DJ, kitang tanan ang puwedeng mo-apply sa mga tips nga akong ihatag kaninyo aron dili pagawon.

Puwes, pahimutang namo mga ka-bonding, mao kini ang lima ka pamaagi  aron malikay sa pagaw:

1. Kinahanglan nga mopahuway gyud ka og sakto, matulog ka og 6-8 hours aron dili maluya ang imong tingog pagka-ugma niana. Kung nabantayan ninyo, mohinay og kalit ang inyong tingog kung kuwang mo sa tulog.

2. Kung wala’y importante nga istoryahan,mahimo ra nga ipahuway nimo ang imong tingog.

3. Kung mahimo, likayi ang pag-inom og bugnaw nga mga ilimnon labi na kung magsige ka og tabi.

4. Kung moistorya gani ka, ayaw pag-siyagit. Dapat kalmado aron dili pud mabun-og ang imong tutonlan.

5. Kung na-feel nimo nga nangatol ang imong tutonlan, dapat inom og daghang tubig. Kinahanglan nga duna gyud ka’y disiplina sa imong kaugalingon.