Silver ni Ogie malampuson, hugyaw!
CEBU, Philippines - Malampuson kaayo ang “I Write The Songs: The 25th Anniversary Concert†ni Ogie Alcasid sa SM MOA Arena kagabii, diin nag-baha dili lamang ang mga performers kundili hasta na ang misaksi sa dakong panghitabo sa kinabuhi sa nahisgutang songwriter/singer/actor.
Lakip sa gipakpakan og maayo mao ang paglugwa ni Daniel Padilla diin nag-duet sila sa 1989 hit ni Ogie nga “Dito Sa Puso Ko†ug sa mismong sikat nga kanta sa teen star, ang “Na Sa’yo Na Ang Lahat.â€
Misamot ang kasikas ug kasaba sa mga tawo dihang gitawag ni Ogie ang iyang surprise guests nga mao ang TomDen (Tom Rodriguez ug Dennis Trillo) nga nag-duet sa theme song sa sikat nila nga teleserye sa GMA7 “My Husband’s Lover†nga mao ang “One More Try†ni Kuh Ledesma.
Nalingaw kaayo ang mga nanan-aw dihang nag-emote pa si Ogie sa bungbong ug dayong patunga sa duruha nga padulong na untang maggakos.
Gihangop pud sa mga tawo ang duet ni Ogie ug Anne Curtis sa kanta nga “Kailangan Koy Ikaw.†Mismong si Anne nag-ambak-ambak sa kalipay ug nagsige og shagit sa stage human sa ilang pagkanta, gumikan sa iyang kalipay nga wala gayud mayabag ang iyang tingog ug naabot pa gayud niya ang mga tag-as nga nota. Hasta ang nanan-aw miabiba kang Anne nga nag-ambak-ambak gihapon sa kalipay bisan na sa iyang pagbiya sa entablado.
Napuno pud sa abiba ug makabungog nga pakpak ang paglugwa na sa entablado nila ni Martin Nievera, Gary Valenciano, Zsa Zsa Padilla,Kuh Ledesma ug Regine Velasquez nga nakigbirit kang Ogie. Nalipay kaayo ang mga mitan-aw kay tataw nga dili sila alkanse sa ilang gibayad gumikan sa hugyaw nga performance sa maong mga music icon.
Milapas sa 25 ang guest performers ni Ogie. Ang uban pang performers naglakip nila ni Rico J. Puno, Jaya, Janno Gibbs, Pops Fernandez, Noel Cabangon, Down To Mars, Kyla, Julie Anne San Jose, La Diva, Abra, Ebe Dancel, Gloc9, ug ang musical director nga si Archie Castillo nga kauban ni Ogie sa pagkanta sa finale song nga “I Write The Songs†ni Barry Manilow.
Mi-perform pud ang rap-R&B group nga Q-York, ug ang Maneouvres.
Misayaw pud kauban ni Ogie sila si Solenn Heussaff ug Lovi Poe,
Lakip sa mga personalidad nga nasigpatan nga mitan-aw suma pa sa pep.ph sila si Annabelle Rama, Dra. Vicki Belo, Cristalle Henares, Jessa Zaragoza-Avanzado ug anak nga si Jayda, Richard ug Congresswoman Lucy Torres-Gomez, Jasmine Curtis Smith, Marjorie Barretto, Dennis Padilla, Gian Magdangal, K-La Rivera, ug Karla Estrada.
- Latest
