Michael V gi-dengue
CEBU, Philippines - Nagluya karon ang komedyanteng aktor nga si Michael V gumikan sa sakit nga dengue ug nagpatabang siya og ampo sa publiko alang sa dinalian niya nga pag-ayo.
Suma pa sa aktor nga niubos ang iyang platelet counts, busa gikinahanglan niya saktong pagpahuway.
"Dear Friends & well wishers, this DENGUE is persistent. My Platelets are now down to 47k & it has made me very weak," mensahe pa ni Michael V nga gi- post niya sa iyang Twitter account.
Nangayo og despensa ang komedyanteng aktor sa mga tawo nga buot mobisita kaniya sa tambalanan gumikan dili niya kini ma-accommodate. Wala na mohatag detalye ang aktor kung unsa nga tambalanan siya na-confine.
Kahinumduman nga sa miaging adlaw, naglain na gyud ang iyang lawas ug siya nagkanayon, "Hey guys. Hope you're enjoying the show. Kainis, I have a bad flu right now. Pero nood din habang may time."
Ubay-ubay na ka mga artista ang nakahambin na niadto sa maong klase nga sakit, kini sama nila ni Steven Silva, Pauleen Luna, Manilyn Reynes, Edgar Allan Guzman, Buboy Villar, ug ang magtiayong Gian Magdangal ug Sheree.
- Latest
