Kapangyarihan ng agimat hahamunin ni Atom

MANILA, Philippines - Aalamin ni Atom Araullo kung may kapangyarihan nga ba talaga ang mga agimat ngayong Biyernes (Aug. 16) sa Hiwaga.

Kilalanin ang mga taong naniniwala na ang mga agimat, o tinatawag ding anting-anting, ay maaring magsilbing proteksiyon ng isang tao mula sa kapahamakan. Maging bala ay kaya umano nitong tablahin.

Para patunayan ito, personal nilang ilalagay sa alanganin ang mga sarili para maipamalas kay Atom at sa buong Hiwaga team ang proteksiyong kayang ibigay ng isang agimat.

Samantala, wala mang agimat si Manong Ireneo ay naisalba pa rin ang kanyang pamilya mula sa kapahamakan sa bukid na kanilang dating tinitirhan matapos umanong magpakita ang isang anghel. Totoo nga bang anghel ang nag-aparisyon sa kanya?

Muling pasukin ang mundo ng Hiwaga ngayong Biyernes ng 4:15 p.m. sa Kapamilya Gold ng ABS-CBN.