Kapusong Boholanon

Maayong Domingo mga Sweet Kabutanding! Atong sugdan og happy thoughts ang akong BisChika para kaninyo. Sa bag-o lang nahuman nga Sandugo Festival niaging July 28, 2013 ang inyong Kapuso Network wala na usab sipyata ang pagbisita niini para muhatod og kalingawan para sa atong mga Kapusong Boholanon. Pag-abot pa lang sa inyong Yur’s truly sa pantalan sa Tagbilaran ang hangin nga  akong nasimhot  andam na kaayo para sa dakong selebrasyon.

Nakigsaulog usab ang atong mga Kapuso stars, ang cast sa Maghihintay Pa Rin sa ilang parada sakay sa GMA float silang Diva Montelaba, JC Tiuseco, Dion Ignacio, Rafael Rosell ug Bianca King, nga gituyok ang kadalanan sa Tagbilaran ala una sa hapon. Pagkagabii, gipahigayon ang usa ka bonggang Kapuso Night sa CPG Sports Complex nga bisan pa man sa bundak sa uwan wala nagpatay-og ang mga Kapusong Boholanon para lang makita sa personal ang ilang paboritong Kapuso stars. Kauban si Boobay ug ang inyong Yur’s truly kay gipainit namo ang mabugnaw nga kagabhiun pinaagi sa mga duwa nga gabaha usab og mga pa premyo.   Unang nilugwa ang cast sa Maghihintay Pa Rin,  usa ka hataw nga song number ang gasa ni Diva Montelaba nga sexy na kaayo ug sipa kaayo og lovelife ug infairness to Diva bisan pa man sa iyang ka busy kay nanuktok gyud sa akong kwarto para mangumusta ug makig BisChika. Pero mas naa man silay bonding moments ni Gleven Silva ang karibal ni Diva Montelaba sa kasingkasing ni Steven nga taga Cebu kay nag-shooting sila sa Let’s fiesta— usa ka maka Hugyaw nga experience ang iyang gipaambit kanako. Wala gyud nausab ang batasan ni Diva, ingon si Gleven gaan ikatrabaho si Diva bisan atong panahona kay naglain ang lawas niini, kung unsa ka supportive si Gleven sa mga gisuwayan nga adventure ni Diva sa location sa ilang shoot mao pud si Diva, gani gi cheer pa kini  si Gleven ni Diva sa dihang iyang gisuwayan ang zipline. Pero wala kapugngi ni Gleven nga mo lenggua ni Diva og “ alagaan mo si Steven” hahahahahhaha! Gi joke siya pagtubag ni Diva “ dili ko caregiver.” hahahahha! Tungod niini niingon na lang si Gleven ako na lang ang mag- care ni Steven ….unsaon gyud darhl (ang tinawganay namo ni Gleven)? Kung nakadungog si JC Tiuseco magselos gyud siya darhl. Feeling happy kaayo si Gleven nga iyang nakatrabaho ang Cebuana kay iyang nasuta nga suwerte si Steven Silva nga si Diva ang iyang gimahal. Pero darhl mas suwerte si Steven nga naay Gleven Silva nga nagmahal niya hangtud sa kamatayon. Unsaon gyud?????? Balik sa Kapuso Night, pagkahuman ni Diva Montelaba nisunod dayon si JC Tiuseco (Gleven ha? Kabantay ko imo tanan), nga naHugyaw ang mga girls pero sorry kaayo wala nako nahangyo si JC nga ipakita ang iyang pandesal (abs) kay uwan kaayo. Pagkahuman usa na pud ka hunk ang nikanta, si Dion Ignacio (favorate na pud ni Gleven, haros kamunggay), nga mas naukay sila kay nanaug pa kini sa stage bahala og mabasa sa uwan. Siyempre ang bida sa Maghihintay Pa Rin nga si Geneva nga si Ms. Bianca King  wala magpalupig.

Mas naHugyaw kay bisan nibundak na ang uwan wala nanghawa ang mga Kapusong Boholano.   Human sa interview namo ni Boobay ang casts sa Maghihintay Pa Rin mas niinit ang palibot bisag gauwan kay nilugwa na ang Hari  sa kasingkasing sa Primetime Queen nga si Dingdong Dantes plus nag-duet pa ang real life sweethearts nga mas nakapaukay sa tanan. Bisan ako nga gitawag diay ni Dingdong para mosayaw on stage… akong beauty kay “nga-nga” gatan-aw sa audience area. Tungod sa kalipay sa real life sweethearts ni promise sila nga mobalik sa Bohol. Pakpak para sa atong Primetime Queen Marian Rivera ug award winning actor, host, producer and certified hunk Dingdong Dantes!!!!