Hindi na nga nagbabayad, makeup artist ginugutom ng young actress!

Isang kaibigan naming makeup artist ang nagpaabot ng kanyang reklamo tungkol sa isang young Kapuso actress at sa kanyang ina dahil madalas siyang ginugutom ng da­la­wa sa tuwing sumasama sa show o ta­ping ng bagets.

 â€œLibre na nga ang services ko at puyat-puyatan pa, hindi pa ako pinapakain,” angal ng makeup artist na bumitaw na sa young actress at inaasikaso na lamang ang kanyang parlor.

“Wala naman akong mahihita sa kasa­sama sa kanila. Abonado na nga ako, gutom pa ang inaabot ko.”

Ynna naghihintay kay Derek sa taping

Isang mapagkakatiwalaang source ang nagpaabot sa amin ng balita na nakita umano si Ynna Asistio kasama ang inang si Nadia Montenegro na naghihintay sa loob ng kanilang kotse sa set ng ta­ping ni Derek Ramsay ng kanyang programa sa TV5. 

Ayon sa aming source, malapit umano si Derek kay Ynna at sa pamilya nito. Would this mean kaya  si Ynna na ang bagong “apple of his eyes” na sa pagkakaalam ng marami ay non-showbiz ang bagong girlfriend?

Speaking of Ynna, malapit na rin siyang i-welcome bilang bagong Kapamilya mula sa kanyang pagiging Kapuso.

Solenn nag-concert imbes na rumampa

Ang Fil-French model turned singer-actress na si Solenn Heussaff ang pinakabagong celebrity endorser ng malaking fami­ly ng Bench. She was welcomed to the Bench family via a grand launch na ginanap The Playground ng Bench Tower na matatagpuan sa Bonifacio Global City sa Taguig City.

Bukod sa entertainment media, dumalo ang pa­milya at mga kaibigan ni Solenn at kasama na rito ang kanyang longtime friend na si Georgina Wilson na isa ring kapamilya ng Bench. Namataan din doon ang aktres na si Michelle Madrigal.

Marami sa mga dumalong press ang medyo na-disappoint ng kaunti sa launch dahil expected nilang rarampa si Solenn na naka-two-piece o ’yung sexy lingerie tulad ng mga Bench model na rumampa bago siya lumabas although napaka-sexy pa rin niya sa kanyang dalawang magkahiwalay na kasuotan – isang fully-beaded backless white gown at isang black top-bra na may see-through black skirt.  Sadya marahil binitin ang pagsusuot ni Solenn ng lingerie dahil ito ang makikita sa kanyang mga billboard.

Sa halip na rumampa, nag-mini-concert si Solenn na may K (as in karapatan) naman talagang kumanta at kumanta rin siya ng French song na paborito ng big boss na si Ben Chan.