Masanag nga bidlisiw ni Tom!

CEBU, Philippines - “Vincent, Vincent, Vincent!”  mao kini ang kasagaran na nga madunggan sa aktor nga si Tom Rodriguez sa higayon nga motikang siya sa pampublikong lugar.

Naglanog-lanog na karon ang pangalan ni Tom gumikan sa trending drama series nga My Husband’s Lover sa GMA-7 primetime kung diin gidala niya ang karakter nga Vincent nga nahigugma sa susama niya nga lalaki nga si Eric (Dennis Trillo).

“Bagong putahe talaga ang MHL, it’s something that does happen in real life. Kung motan-aw ka, daghan gyud ang maka-relate sa istorya. Ang ganda talaga ng story, di ba napansin ninyo, walang kontrabida,” suma pa ni Tom.

Nigamit og pinulongang bisaya si Tom sa dihang nahinabi kini sa Banat News Hugyaw (BNH) gumikan kay sa Pinoy Big Brother kaniadto mga bisaya ang kasagaran sa iyang mga suod. Nagdako sa Samar si Tom apan nibalhin na sa Amerika ang iyang pamilya sa dihang hamtong na ang iyang edad.

Mapasalamaton si Tom sa liboan ka mga Sugbuanon nga misaksi sa nagkadaiya nila nga mall show dinhi sa Sugbo sa milabay nga semana.

Nagkanayon ang aktor nga dili siya bation og kakapoy kung makakita siya sa liboan niya ka fans nga nihangop sa MHL.

Nalibot na sa aktor ang tulo ka mga higante nga network, gikan sa pagsalmot niya sa Pinoy Big Brother sa ABS-CBN, nahimo usab siya nga kabahin sa pipila ka mga programa niadto sa TV 5.

Human na-evict sa  Pinoy Big Brother:Double Up niadtong 2009, nahimo dayon siya nga kabahin sa  Star Magic ug nalakip sa mga programa nga  Precious Hearts Romances Presents: My Cheating Heart, Maalaala Mo Kaya: Litrato, Your Song Presents: Isla 2010, Precious Hearts Romances Presents: Love Me Again, Guns and Roses,  Angelito: Batang Ama ug ang sikat kaayo nga Be Careful With My Heart.

Nikisaw usab ang pangalan sa aktor gumikan sa pelikula nga Temptation Island niadtong 2011 kung diin siya maoy leading man ni Marian Rivera.

QandA

Banat News Hugyaw:  Giunsa nimo pagsulod sa My Husband’ Lover?

Tom: Hindi ko  ine-expect na mapunta ako dito sa GMA, di ba kahibalo naman mo  nga apil ko sa Be Careful With My Heart sa Channel 2.  Tumawag sa akin ang bago kong manager (Popoy Caritativo), nangutana siya kung interesado ba daw ko mo-audition sa new drama series sa GMA. Mao tu, sinabi niya kung okay ba sa akin ang gay role, niana pud ko, nga wala ra ma’y problema, kay challenging man pud. Nagpasalamat ko og maayo kay nadawat gyud ko.

Banat News Hugyaw: Sa dihang nadawat ka sa audition sa MHL, nakahukom dayon ka nga mobiya sa Be Careful With My Heart?

Tom: Kailangan na kasi na mag-umpisa ang taping ng MHL, pero nagpaalam naman ako ng maayos. Nangutana ko if duna ba’y paagi nga makabiya ko sa Be Careful kay guest lang talaga ako sa nasabing serye. Siyempre may magandang opportunity na dumadating.

Banat News Hugyaw: Hindi ba nagalit ang production team ng Be Careful With My Heart  sa pag-iwan mo sa kanila?

Tom: Sayang nga yung tandem namin ni Aiza (Seguerra), pero nagpaalam ako ng maayos. Ang babait po nila dahil pinayagan nila ako na umalis sa show, buti na lang,  nahanapan nila ng paraan  para makalabas ang karakter ko sa Be Careful.

Banat News Hugyaw:  Daghan ang naglagot sa imong karakter isip Vincent ilabi na sa fans ni Lally (Carla Abellana) ano ang masasabi mo didto?

Tom: Mao gyud, seguro effective talaga ang pag-portray ko sa karakter ni Vincent. Masasabi ko lang po, uunawain po natin ang feelings ni Vincent.

Banat News Hugyaw:  Ano ang natutunan mo sa MHL?

Tom:  Para nako, wala ma’y dautan sa kana nga klase nga relasyon (same sex relationship), wala may kalainan sa tawo nga ma-inlove. Dahil sa MHL, natutunan ko na i-respect yung mga tao na nagmamahalan, Malipayon man sila sa kana nga relasyon, so respitohin po natin yan.

Banat News Hugyaw:  Napagkamalan ka na bakla ng ibang tao, anong masasabi mo dito?

Tom: Normal ra man na, pero trabaho ra man ni. Dili ko affected ana.

Banat News Hugyaw:   Positve po ang  reaksyon ng  mga tao na nanonood ng MHL, para sayo, bakit kailangan panoorin ang MHL?

Tom: Sa totoo lang po, hindi ko ini-expect ang mga nangyayari ngayon. Nakakapanibago talaga, pero at the same time, nakakataba ng puso yung mga reaksyon ng viewers.  Para nako, kailangang panoorin ang My Husband’s Lover kay daghan gyud mo og makat-onan. Linawin ko lang po, hindi naman yung same sex relationship ang hina-highlight namin didto. Gipakita namo dinhi nga kinahanglan nga irespect ang kalipay sa ubang tawo.

Banat News Hugyaw:   Kung dunay positive reactions, naa pu’y negative nga reaksyon ang nadawat sa MHL  gikan sa uban nga sector, unsa ang ikasulti nimo ana?

Tom: Lain-lain man ang opinion  sa tawo,  dili pud ta kapugos nila. Ang importante na maganda ang pag-presenta namin sa istorya na madaling maunawaan ng mga tao.

Banat News Hugyaw: Ano ang next plan ng GMA para sa career mo lalo na nag-click ngayon ang MHL?

Tom: Aabangan po ng fans ko ang pagpirma ko ng exclusive contract sa GMA. Nagustuhan man sa management ang performance nako sa MHL. Lipay kaayo ko, kay nagpasabot man gud na nga daghan og projects ang akong buhaton sa GMA. Tungod gyud sa MHL, misaka og maayo ang akong career.

Banat News Hugyaw: Last question, kumusta imong lovelife?

Tom: Seguro ibalato ninyo po yan sa akin, wag po natin yan pag-usapan, hehehe. (BANAT NEWS)