Happy Na Sa ABS-CBN!

CEBU, Philippines - Nagpadayon gihapon karon ang pagpaka-paka sa tingog ni James Spider sa kahanginan.

Mapasalamaton si James gumikan kay bisan karaan na siya sa industriya, wala gihapon  mobiya kaniya ang iyang mga fans.

Mapasalamaton si James sa tanang nibotar kaniya sa segment sa Banat News Hugyaw (BNH) nga My Favorite DJ kung diin nahimutang siya sa ikatulo nga puwesto.

Napamatud-an ni James nga wala gihapon mahupas ang iyang popularidad bisan pa man sa pagsulbong sa mga bag-ong DJ.

Gimintinar niya ang maayong pamatasan hinungdan nga nagdugay siya sa iyang trabaho.

Nakatrabaho na si James sa ubang istasyon busa nahigam na siya pag-ayo sa iyang trabaho isip DJ.

Matud pa niya nga dili gyud siya mapul-an sa iyang trabaho gumikan kay na-enjoy siya pag-ayo niini. Kumbinsido si James sa panultion nga kung gihigugma nimo ang imong trabaho, dili gyud ka mapul-an niini busa padayon gihapon siya nga nagtingog karong panahona.

Usa usab sa iyang sekreto kung nganong duol siya sa masa, mao nga motagad gyud siya sa mga tawo. Madungog si  James Kaka sa  MOR 97.1 gikan sa Lunes hangtud sa Sabado sa programang  Sayaw Ta Lupig Sila (3-6pm) ug Mix of Rock (3-6pm).

Niining higayona, tubagon na ni  James ang mga pangutana sa gikan sa hugyawnatics.

Q and A

Hugyawnatic: DJ James Spider , married na ka? From  Jo Llego Gicale

James Spider: Yup.

Hugyawnatic: Ask lang ko nga kung pabalikon ka sa RT unya times two imung sweldo didto, mobalik ka? From  Herry Santillan

James Spider:  Ahmmmm, mas okay naman ko dri sa ABS-CBN.

Hugyawnatic: Nganong gwapo man ka? From  Shella Alisoso

James Spider: Ha?, di man seguro, lahi lang ang imong   pagtan-aw hehe.

Hugyawnatic: Good morning sir, ask lang ko, why man ningbalik ka sa ABS- CBN? Ang GMA nagpahawa kanimo o ikaw ang ninghawa? From  Mark Aruta sa    Brgy. San Jose, Cebu City

James Spider:  Ako ra’y nihawa, personal ra ang rason.

Hugyawnatic: Asa na diay si Baby Jell karon? From Edbert Poblacion sa Alcoy,Cebu

James Spider: Sa akong nahibaw-an, naa siya karon sa Bigfoot.

Hugyawnatic:  Naa ka kaliwat nga taga Asturias,Cebu? From Sherwin M. Teves

James Spider:  Daghan, kay taga Asturias man ang mga  kaliwat sa akong amahan.

Hugyawnatic: Congrats James Kaka, tinuyo na imong tingog o normal rana? from Ismael Reyes sa Consolacion,Cebu

James Spider: Depende, naa tinuyo, naa pu’y  normal.

Hugyawnatic: Kasuway naka nga naa ka’y nauyab nga listener? From    Wena Redosa sa Mandaue City

James Spider: Wala.

Hugyawnatic: Para nimo, unsa nga qualities sa usa ka maayo nga DJ? From  Humbert Enremero sa Danao City

James Spider: Dapat naa kay kaugalingon nimo nga style. Ug kinahanglan nga ,malingaw ug naa pud sila’y  makat-unan gikan  nimo.

Hugyawnatic: Kung masayop ka sa imong giyawyaw on air, unsaon ni nimo pagbawi? From    Queenie U. sa Sibonga, Cebu

James Spider; Ang imung sayop imu na lang himu-ong kataw-anan na malingaw ang naminaw, dili ka magpahalata nga nasayop ka.

Hugyawnatic: Kabantay ko nga karaan naka sa radio, unsa imong ikatambag sa mga bag-o nga DJ karong panahona? From    Maricar Mae Taboada sa Tisa

James Spider: Dapat magbinuotan  sa  trabaho kung ganahan  sila  magdugay  sa ilang trabaho.  Kinahanglang kamao pud sila mosabay  kay importante gyud kaayo ang attitude, ug ikaduha ra na imong talent.

Fast Facts

Name: Ifrael Acaso

Nick name: Tata or Kaka

Age: 36

Birth date: December  25,1976

Birth place: Toledo City

Civil Status: Married

Religion: Catholic

Favorite Colors: Red and Black

Favorite Food: Pinakbit

Favorite TV Shows: Asap and Showtime

Favorite Actor: Tom Cruise

Favorite Actress: Anne Curtis

Favorite Singer: Lea Salonga

Favorite Cartoon  character: Tom and Jerry

Motto: “Learn from the past, plan for the future by focusing on today.”