Ella mosulod sa politika

CEBU, Philippines - Magpapili pagka-SK chairwoman  sa  Angat, Bulacan ang batang aktres nga si Ella Cruz sa umaabot nga barangay election karong Oktubre. Suma pa ni Ella nga iyahang ipamatuod ang abilidad niya sa pag-alagad sa mga kabatan-onan.

Plastikay ang show?

Malipayon nga nag-uban sila si Paulo Avelino ug LJ Reyes sa birthday party sa ilang anak niadtong Sabado. Temporaryong gikalimtan sa duha ang ilang panagbangi alang sa kaayohan sa ilang anak.

Ryzza wala kaila ni Bimby

Wala diay makaila si Ryzza Mae Dizon kang Bimby Yap nga makauban niya sa pelikulang ”Torky and My Little Bossing“. Ang mama ra ni Bimby nga si Kris Aquino maoy iyang nailhan.

Ikaw na Kempee!

Gipangandaman gyud og maayo ni Keempee de Leon ang gay role niya sa My Husband’s Lover. Gipa-wax ni Keempee ang nagkadaiyang parte sa iyang lawas.

Matteo nakapuntos

Gikatahong uyon ang mga ginikanan ni Sarah Geronimo ngadto kang Matteo Guidicelli.  Apan una na nga gihimakak sa singer ang report nga matud pa nidiskarte kaniya si Matteo.

Kusog nga sagpa

Giangkon sa child star nga si Andrea Brillante nga dunay mga higayon nga nakusog ang pagsagpa ni Kaye Abad kaniya sa pipila ka mga eksena sa seryeng Annaliza. Nakasabot ra hinuon si Andrea niini gumikan kay nadala lang si Kaye sa ilang mga eksena.

Todo Suporta

Nilantaw si Robin Padilla sa show sa iyang igsuon nga si BB Gandanghari nga  “Beauty and the Sweet” sa  Music Museum niadtong Sabado sa gabii.  Pagkahuman sa show, nisaka si Robin sa entablado ug ni-congratulate ngadto kang BB.

Rayver: Dili ko pul-anon

Todo react si Rayver Cruz sa nigawas nga report nga dali ra siya mapul-an og babaye. Matud pa sa aktor nga nagdepende ra kini sa sitwasyon.

Eula mihimo og katin-awan

Gitataw ni Eula Caballero nga wala siya masuya sa ka-sexy ni Ritz Azul. Gibutyag kini sa  aktres human dunay mga tawo nga magsige og kumparar sa iyang lawas ngadto kang Ritz.

Echo magminyo na

Nanghagad na og kasal kagahapon  si Jericho Rosales  ngadto sa girlfriend niya nga si Kim Jones. Nagkauyab ang duha sa miaging tuig. (Sanden J. Anadia)