Maynila

CEBU, Philippines - Gipahigayon kagabii didto sa SM Mall of Asia Cinema ang invitation press and partners screening sa restored version sa classic Lino Brocka film, “Maynila Sa Kuko Ng Liwanag” nga una nang gipasalida atol sa Cannes Film Festival didto sa France ug sa special screening sa Cinemalaya indie film festival sa Cultural Center of the Philippines bag-ohay lamang.

Date date pag may time?

Nasigpatan nga nagkuyog didto sa Trinoma si Miss Universe 2013 First Runner-up Janine Tugunon ug Kapuso hunk Benjamin Alves sa milabay nga adlaw. Sila na pud ang iring-iring?

P10.5 M ang first day

Gikatahong mihipos og P10.5 million nga first day gross ang Star Cinema movie “Bakit Di Ka Crush Ng Crush Mo? Starring Kim Chiu ug Xian Lim sa pagbukas niini sa mga sinehan lukop nasud adtong Miyerkules. Ang maong pelikula kinutlo gikan sa libro sa internet sensation nga si Ramon Bautista.

Si Andina pud

Human ni Coleen Garcia si Andi Eigenman na pud ang gilambigit ngadto kang Billy Crawford nga mao matud pay rason sa panagbuwag nila ni Nikki Gil. Sila si Andi ug Billy nagkauban sa pelikula nga “Oh Mama Mia,” ug dinhi matud pa nahulog ang pagbati nila sa usa’g-usa. Apan daan na nga giklaro ni Billy nga walay third party sa ilang break-up ni Nikki, hinungdan nga may mga nagduda sa maong istorya karon nga mibuto.

Naguol si Ritz

Giangkon ni Ritz Azul nga nakuyawan siya sa balita nga mi-resign si TV5 Creative head, Perci Intalan. Naguol matud pa siya sanglit sukad pa sa pagsugod niya sa TV5 pinaagi sa reality-search nga “Star Factor,” si Perci na ang nag-amuma sa iyang career.

Mao nay actor!

Gipadayag ni Alden Richards nga isip actor dili matud pa siya mubalibad o mamili og role—dawaton matud pa niya ang tanan nga ihatag ngadto kaniya. Si Alden nagkasikat na karong panahona ilabi na nga extended na pud ang iyang primetime series sa GMA7 nga “Mundo Mo’y Akin,” kapares si Louise delos Reyes. Kahinumduman nga ang una nilang teleserye isip magloveteam, ang One True Love, makadaghan usab na-extend kaniadto gumikan sa taas nga rating.

Dili na kinahanglan mag-atubang

Suma pa ni John Prats napasaylo na matud pa niya si Jason Francisco apan dili matud pa sila kinahanglan nga magkita o wala na sila’y angayan pa nga istoryahan. Kahinumduman nga gisukmag ni Jason si John sa set sa Banana Split pipila ka buwan na ang milabay kay wala na matud pa ka agwanta ang nahauna sa pagbugal-bugal kanunay sa nauwahi kang Melai Cantiveros nga hinigugma ni Jason.

J.LO balik AI?

Dako matud pa ang posibilidad nga mahibalik sa judging panel sa Americal Idol si Jennfier Lopez sa nagsingabot na pud nga bag-ong season. Kini kay nahuman na matud pa ang concert tour sa nahisgutang singer nga maoy rason nganong wala siya sa milabay nga season ug igo lamang milugwa sa finale episode sa nahisgutang reality-show.

Perfect si Melissa

Giangkon ni Paul Jake Castillo ngadto kang Kris Aquino sa Kris TV kagahapon sa ABS-CBN nga sinabutan nila ni Melissa Ricks nga magbuwag na sila, apan mas siya matud pa ang nagtinguha nga mao kini ang mahitabo. "I think it's mutual, pero more of me. It's not working. She was really perfect, sobrang bait niya, sobrang supportive. I don't know how to put it in words, pero siguro it's the small things that I get annoyed with. It's not her, it's a me kind of thing."