James babawi sa pagkatalo kay Phil

MANILA, Philippines - Sa ikalawang taon ng pinakamalaking football all-star game sa Pilipinas, ang Clear Dream Match ay nagbabalik na mas marami pang football talents at mas intense na laban sa pagitan ng magkapatid na sina Phil at James Younghusband. Nanga­nga­ko ngayon si James na babawi sa pagkatalo sa younger brother niya sa pagiging Clear Dream Match champion.

Mas malaki ang twist sa laban ngayon dahil kasama ang football legends na sina Dennis Wise ng Chelsea F.C. Legend at ang 2006 FIFA World Cup champion na si Fabio Cannavaro.

“We wanted to shake things up this year by bri­nging in two international football legends to compete with our country’s best,” sabi ng Clear Philippines brand manager na si Drew Copuyoc.

Siyempre pa, ang pag-iimbita kina Wise at Cannavaro sa Clear Dream Match ay masasabing dream come true para kina James at Phil.

 â€œWhen we were still training with Chelsea we used to watch Wise play all the time. He is like a le­gend to us,” sabi ni James.

“During the 2006 FIFA World Cup, I was watching on TV and cheering with the rest of the world as Cannavaro led Italy to the championship,” saad naman ni Phil.

Magdo-donate rin ngayong taon ang Clear Philippines mula sa porsiyento ng ticket sales sa Tuloy sa Don Bosco Foundation at ganun din sa Unilever Personal Care products para sa kanilang foundation.

Magkakaroon naman ng tsansa ang fans ng Dream Match na pumili ng kanilang paboritong player na isasali sa team ng magkapatid.

Ayon sa brand manager, “The first draft pick will be dependent on the team with the most fan interactions on Facebook (Facebook.com/ClearPH).”

Sa kasalukuyan ay may 50 players na ang Clear na kinabibilangan nina Uni­ted Football League stars Anton del Rosario, Simon Greatwich, at Carli De Murga; ang college stars nung isang taon sa Clear Dream Match MVP na sina Miko Mabanag (Ateneo), Brazilian models Daniel Matsunaga at Fabio Ide; ang Boys Night Out trio; at iba pang outstanding players sa local football scene.

Sinu-sino kaya ang mapupunta sa Team James at sinu-sino naman sa Team Phil? Saan maglalaro sina Wise at Cannavaro? Abangan ang Top 30 players na mapipili na sa Aug. 10 nina James at Phil bago ang Clear Dream Match 2013 sa Aug. 24.

Ang pinaka-aktibong football fan sa Facebook ng winning team ay sasama sa mga Younghusband sa Brazil sa 2014! Kaya bisitahin na ang Facebook page ng Clear.