Dingdong nagtapat sa kaibigan ni Marian sa balak nang pag-aasawa
PIK: Dagsa ang mga taong nanood sa gala premiere ng Porno na entry ni Direk Adolf Alix, Jr. sa Cinemalaya 2013.
Sa Cultural Center of the Philippines lang ito napapanood dahil mismong si Direk Adolf at ang producers ang nagdesisyong huwag ito ipalabas sa Greenbelt at Trinoma at baka maglikha pa raw ito ng ingay sa mga manonood.
Kagabi naman ay ang gala premiere ng Ekstra ni Gov. Vilma Santos at sold-out na rin ang mga tiket.
Ilan sa mga naririnig naming may magandang feedback na entry sa Cinemalaya ay ang nasa New Breed catgegory na Transit ni Hannah Espia at ang Babagwa ni John Paul Laxamana.
PAK: Marami ang nag-react sa exclusive story ng Startalk tungkol sa relasyon ng dating taga-Starstruck na si Bugz Daigo sa isang transsexual na si Hazel Timotera.
Sa interview ng Startalk, napag-alamang type rin naman pala nitong si Hazel na mag-artista dahil maganda naman kasi talaga siya.
Pagkatapos lumabas ang interbyung iyon, ang dami nang mga shows ang gustong i-guest sila at interbyuhin.
Pero mayaman na itong si Hazel at pati si Bugz ay nakapagpundar na rin saÂriling bahay at negosyo sa Cebu.
Kaya parang mas gusto na ni Bugz na manahimik na lang muna dahil hanggang sa ngayon ay hindi pa niya naipagtapat sa anak niya sa dating girlfriend sa Cebu na nag-asawa na ito sa isang transsexual.
BOOM: Ayon sa aming source, sa susunod na taon ay malamang na maglalabas na sina Marian Rivera at Dingdong Dantes ng announcement tungkol sa kanilang kasal.
Sabi ni Marian, wala pa raw talaga silang napaplano pero kung sakali, hindi naman daw nila ito itatago.
Pero ipinagtapat na raw ni Dingdong sa isang aktres na malapit sa kanya na hinihintay na lang niya si Marian na handang mag-asawa dahil handang-handa na ang aktor.
Sinabi na ito sa kaiÂbigang aktres na si MaÂrian na talaga ang baÂbaeng pakakasalan niya.
- Latest
