Wax, Potato ug Exercise

Happy Sunday ug sa tanan nako nga kababayan, mga sano ug sana sa yuta kong natawhan nga Bohol, Happy Sandugo Festival ninyong tanan! Wala man ako dira karong tuiga pero naki saulog ako sa inyo niining engrandeng pista sa sandugoan. Sa atong mga Kapuso dira, adto na sa kadalanan sa Sandugo parade ug ubani ang cast sa “Maghihintay Pa Rin”, Diva Montelaba, JC Tiuseco, Dion Ignacio, Bianca King ug Rafael Rosell. Naa pod sila inig ka gabii sa Kapuso Night sa CPG Sports Complex, 6PM kauban ang Primetime Queen Marian Rivera ug Kapuso hunk Dingdong Dantes. Unsa inyong gipaabot pa? Sugod na! Anah lang!

1. Ate Anna, unsa may mabuhat nako sa patatas ug squash? Unsa may mabuhat gawas ana sa pag-utan? Napul-an naman akong mga anak gud sa sinabaw, pero ganahan silag patatas ug squash. Salamat! Joy2x Alvarez of Lahug

Hi Joy2x! Daghan og pamaagi sa pagluto sa patatas ug kalabasa. Kung napul-an na sila sa sabaw, pwede ni nimo pabukalan unya lat-a mura og mashed potatoes o squash. Pwede ni mahimong alternatibo sa kan-on. Para mas daghan ka’g ideya,palit ug mga libro o pag research sa internet sa mga recipe nga maganahan sa imong mga chikiting.

2. Hi Ms Anna! I am LL of Cebu City. Ask unta ko kung when ko dapat mag exercise. If buntag, mag exercise ba ko before maligo or after na, hot o cold bath? Ig gabii pod, ok ra ba gikan sa work mag- exercise ko inig abot sa balay? Hectic man gud ako schedule, wala pa jud day off mao na maglisod ko. Salamat!

Hi LL! Mas maayo gyud ang mo exercise sayo sa buntag sa dili pa ka mamahaw ug maligo kay ingon man sa mga studies, mas maayo og tulog ang mga tawong mag-exercise sa buntag. Mas aktibo sad ka sa tibuok adlaw. Pero sa mga tawo nga busy kaayo pareha nimo, okay ra pod ang mo exercise sa gabii. Siguroa lang nga humana og panihapon. Pag-exercise human sa 2-3 ka oras human ka mokaon.

3. Hi Miss Anna! Im Angel of Balamban. Ask ta ko if unsa nga pamaagi ang makapawala sa balhibo sa legs kay labong jud kaayo ko og balhibo. Hinaot imo ko matabangan. Thank you

Hi Angel! Natural gyud na ang buhok sa legs pero ang labing epektibo nga pagpawala ana kay ang magpa wax. Pwede ni nimong buhaton  sa balay o moadto kag salon nga nag offer ani nga service. Kung magpa wax ka, monipis og balik imong balhibo. Likayi ang pag shave kay mao kiniy makapabaga ug dili kini maayo tan-awon ilabina sa babay pareha nimo.

4. Hi Ate Anna! I’m Luz of Ormoc. Ask lang unta ko unsa akong isul-ob tambok man ko kaayo ug unsay ako buhaton para moniwang ko . Salamat ate!

Hi Luz! Likayi ang pag sul-ob og grabe ka fitting nga mga sanina, ayaw pod nag sobra ka luag. Kanang sakto lang sa imong lawas. Likayi ang mga sanina nga naay dagko nga mga patterns o design kay makadako kini og samot. Sul-ob og mga dark colors, parehas sa itom, dark blue ug uban kay kini maghatag og ilusyon nga gamay imong lawas. Likayi pod ang ruffles ug mga panapton nga makadako.

* * *

Pangutana lamang kabahin sa FASHION ang ipadala kang Annah karong Domingoha. Iapil pagbutang imong ngalan ug address diha sa imong mensahe ug ipadala kini ngadto sa 0943-431-4567. Kutob lamang sa 12 noon, karong adlawa, July 28, ang pagdawat nato sa inyong mga pangutana kabahin sa FASHION busa go go go na!

Cebuana na pud ang Mutya!

Sugbuanon ra pud ang gibinlan ni Cebuana beauty-queen Rizzini Gomez sa iyang titulo isip Mutya Ng Pilipinas Tourism International human sa koronasyon niadtong Biyernes sa gabii didto sa NBC Tent sa Taguig.

Kini mao ang ka-apelyido ra pud niya nga sa sakop sa A.D. Models nga si Angeli Dione Gomez. Ang duruha ka mga Gomez, managsama usab nga nakoronahan isip Aliwan Festival Queen kaniadto—si Rizzini adtong 2010 ug si Angeli sa milabay nga tuig.

Si Rizzini, human nakalangkat sa iyang Mutya crown, nakigtigi didto sa Malaysia sa milabay nga tuig ug maoy nakoronahan isip Miss Tourism International

Samtang ang pambato sa Quezon, City nga si  Koreen Medina  maoy nakuronahan isip 2013 Asia Pacific ug Mutya ng Pilipinas Overseas si  Asdis Karlsdottir. First Runner-Up si  Maureen Montagne ug Second Runner-Up  Kristian Aubrey Nolasco.

Mikabat ngadto sa 31 ka mga maanyag nga mga dalaga ang nagtigi karong tuiga. Ang Mutya ng Pilipinas 2013, isalida sa GMA-7 karong 10.pm.