Marian mipirma og kontrata sa Star Cinema!

CEBU, Philippines - Giangkon ni Marian Rivera nga interesado siya nga makahimo og pelikula ubos sa Star Cinema sanglit lahi matud pa ang maong film outfit ug ang iyang uyab nga si Dingdong Dantes nakahimo na og duha, ug gipangandaman na ang ikatulo niining proyekto kauban si Bea Alonzo. Samtang padayon pa ang pagplano alang sa duha ka mga pelikula nga himuon niya sa Regal Films nga maoy anaa sa iyang kontrata. “Ay naku, gusto ko, sa totoo lang!” nagkanayon siya ngadto sa PEP. “Kasi si Dong, nakatatlo na at kasi iba din kasi ang… hindi ko naman minamaliit ang kung anuman yung mga nagpo-produce ng mga pelikula, siyempre iba rin ang Star Cinema.”

Dihang gipangutana siya kinsay buot niyang makauban sa pelikula, gibalik niya ang pangutana ngadto sa PEP nga miluwat sa ngalan ni John Lloyd Cruz isip haom matud pa nga leading man niya sa usa ka heavy drama nga project.

Uyon si Marian niini sanglit maayo matud pa nga aktor si Loydie.

Samtang gipahibawo niya nga nagkaila sila ni Bea sa personal sa usa ka restaurant niining bag-o lamang ug nahugyaw siya sa kabuotan niini. Busa kun mahatagan og kahigayunan buot usab siya nga makatrabaho kini, ilabi na nga leading lady ang nahisgutan ni Dong.

Dungan niini, nakigtagbo sa Star Cinema si Marian kagahapon sa hapon didto sa Makati City, ug mipirma og kontrata tali sa mga kadagkuan sa maong movie outfit nga iya sa ABS-CBN.

Ang maong kontrata wala magpasabot nga muhimo na siya og pelikula sa maong film outfit, kundili aron magsilbi kini nga kamatuoran sa ilang kagustuhan ni Ai Ai delas Alas nga ang Star Cinema maoy mu-release o mu-distribute sa  “Kung Fu Divas” sa nagkadaiyang sinehan lukop nasud. Co-producers sa maong pelikula sila si Marian ug Ai Ai  sa nahisgutang pelikula nga hapit na isalida.

Sen. Bong miatras sa  MMFF 2013

Gipahibalo sa chairman sa Metro Manila Development Authority  nga si Francis Tolentino nga giatras na ni Sen. Bong Revilla Jr. ang movie entry niya sa Metro Manila Film Festival (MMFF). Matud pa nga  gi-pull out na sa MMFF ang pelikulang “My Super Kap” gumikan kay dili magkatakdo ang mga schedule sa leading ladies ni Bong nga sila si Toni Gonzaga ug Ai-Ai delas Alas. Gipadayag sa senador nga maglisod na siya og abot sa deadline gumikan sa kadaghang special effects sa maong pelikula. Samtang si  Laguna Governor ER Ejercito nagmalaumon nga pilion unta sa komitiba sa MMFF ang pelikula niya nga  "Boy Golden" isip hulip sa "My Super Kap."