TV host at singer na si Chris Cayzer kakasuhan ng trespassing, nakulong!

Shocking ang balita na ikinulong si Chris Cayzer dahil pumasok siya sa bahay ng may bahay. Nagulat pa ako nang malaman ko na naririto sa Pilipinas si Chris dahil ang buong akala ko, tahimik na ang pamumuhay niya sa Australia.

Nakausap ko pa si Chris bago siya bumalik sa Australia. Ito ’yung time na may new album siya kapag nagpatawag ng presscon ang kanyang manager na si Leo Dominguez.

Hindi ako sure kung si Leo pa rin ang manager ni Chris pero tandang-tanda ko na ginanap ang presscon sa isang restaurant sa Greenhills, San Juan City na malapit sa clinic ni Dr. Vicki Belo.

Kalilipat pa lamang noon ni Chris sa TV5 dahil pinalitan ng Party Pilipinas ang SOP. Dating mainstay si Chris ng SOP na Sunday noontime show ng GMA 7.

Mabait at magalang na bata ang impression ko kay Chris kaya news sa akin ang pagkakakulong niya. May problema ba si Chris kaya lito ito o talagang nagkamali lamang siya ng mga condo unit na pinasok?

Walang sinaktan si Chris at hindi rin siya nagnakaw pero mali ang kanyang ginawa. Mabuti na lang, hindi sinaktan si Chris ng mga tao na rumesponde sa mga humingi ng saklolo.

Kung ano ang ginawa noon ni Robert Downey, Jr., ganoon din ang ginawa ni Chris. Kung matatandaan ninyo, inireklamo ng trespassing si Robert noong 1996 dahil pinasok niya ang bahay ng ibang tao at dito siya natulog. 

Naloka ang ginang ng tahanan nang makita niya na natutulog si Robert sa kanyang kama. Napag-alaman na nasa impluwensiya ng drugs si Robert nang pasukin nito ang ibang bahay.

Sumikat uli si Robert nang magbagong-buhay. Ganito rin kaya ang mangyari kay Chris?

Ex ng aktres kasal na sa bakla

Ex-boyfriend ng isang aktres na mestisa ang Starstruck contestant na nagpakasal sa isang transsexual at ngayon ilalabas sa Startalk ang kuwento ng kanilang pagmamahalan.

May letters B at D sa pangalan ng aktor na hindi gaanong sumikat sa showbiz pero nagkaroon ng transsexual na asawa. Puwede nang hindi magbalik-showbiz ang aktor dahil komportable na ang buhay nila ng kanyang “ misis.”

Hindi na matandaan ni Joey de Leon ang aktor na naging contestant ng Starstruck, kahit isa siya sa mga judge ng talent search ng GMA 7.

Excited na si Papa Joey na mapanood ang unique love story ng aktor at ng transsexual dahil bibihira sa mga lalaki ang aamin na dating mhin din ang kanilang pinakasalan.

Active pa rin sa showbiz ang ex-girlfriend ng aktor. May weekly show siya sa GMA 7 at kasali sa isang afternoon drama series na katatapos lamang.

Interesado ako na malaman ang reaksiyon ng aktres sa pagpapakasal ng kanyang ex-boyfriend sa transsexual. Maloloka kaya siya o matatanggap niya ang choice ng mhin na minsan ay minahal niya nang husto?

Dingdong hindi makatanggi kay Eugene

Si Dingdong Dantes ang surprise guest ngayong gabi sa Celebrity Bluff. Sinorpresa ni Dingdong si Eugene Domingo sa birthday celebration nito sa game show niya sa GMA 7.

Love ni Eugene si Dingdong dahil ito ang leading man niya sa blockbuster movie na Kimmy Dora. Hindi nagdalawang-isip si Dingdong na umapir sa Celebrity Bluff alang-alang sa mahalagang okasyon sa buhay ni Eugene.

Sa July 23 pa ang actual birthday ni Eugene na turning 42 years old at still loveless. Still loveless daw o!