Aktor ni-reject ng talent manager, blangko raw ang mukha at parang hindi sisikat

Walang nakikitang potential ang isang talent manager sa aktor na naghahanap ng manager sa kasalukuyan.

Meron na actually na tumutulong sa career nga ni actor pero hindi raw kuntento ang pamilya nito kaya naghahanap sila ng manager na tutulong para umangat ang career nito.

Ang kaso isnabera ang nalapitang manager. Hindi niya tinanggap dahil ang pakiramdam daw ng talent manager, walang character ang mukha ni young actor at blangko ang mukha.

Ayaw daw niyang mag-handle ng artistang nararamdaman niyang walang talent dahil dama niyang hindi ito sisikat nang husto.

Katuwiran niya nakikita raw agad niya kung magaling o sisikat ang isang artista.

Cofradia pinalitan na ng Mira Bella

Hindi na sa seryeng Cofradia ilulunsad ang anak ni Marjorie Barretto na si Julia kundi sa Mira Bella. Kahapon ay kumalat sa photo and video sharing network na Instagram na nag-story conference sila. Balitang same pa rin ang mga makakasama ni Julia sa Mira Bella sa mga makakasama sana niya sa Cofradia tulad nina Diego Loyzaga and Kiko Estrada.

Maalalang, nagkaroon ng malaking announcement ang sana’y launching project ni Julia sa ABS-CBN na Cofradia pero balitang pinag-isipang maigi ng management at na-realize umano na hindi na kilala ng mga tao si Cofradia. Taong 1953 pa raw kasi ipinalabas na pinagbibidahan ni  Gloria Romero ang nasabing pelikula kaya totoong hindi na siya kilala ng masa.

Charice ayaw nang akusahang nanggagaya kay Daniel Padilla, nag-iba ng hairstyle

Uy, nagbago na pala ng hairstyle si Charice pati na rin ng make-up. Ayon sa report ni Ms. Marie Lozano ng ABS-CBN, isa sa mga rason ng pagbabago ng buhok ni Charice ay ang ginagawang pagkukumpara sa kanila ni Daniel Padilla na nauna nang nagsalita na wala naman problema kung pagkumparahin sila.

“There are a couple of reasons for the new look -- una kasi tomorrow magkakaroon ng photo shoot para sa album ko, and second of all, siyempre since marami ding lumabas na comments na nako-compare kay Daniel Padilla, nako-compare sa ibang artists and everything,” sabi niya sa interview ni Ms. Marie.

“Hindi ako na-offend, siyempre Daniel Padilla ‘yan. Bad boy ng Pilipinas ‘yan, eh. Kumbaga, nung narinig ko ‘yun, nung first na nakita ko ’yung comparison picture, na-search ko, hindi ko akalain na ganun din pala ‘yung hairstyle niya,” dagdag niya sa nasabing interview.

Actually, mas bagay kay Charice ang bago niyang buhok, parang lesbian na lesbian ang dating niya.