Richard at Marian puwede pa uling umulit

Katuwa naman sina Richard Gutierrez at Marian Rivera, talagang may chemistry sila huh! Ramdam mo ito sa My Lady Boss. Akala mo tuloy may relasyon sila sa totoong buhay eh, alam naman ng lahat na taken na sila, si  Chard ni  Sarah Lahbati at si Marian, ni Dingdong Dantes. Puwede pa silang muling pagtambalin pero, siguro kailangan munang pagbatiin ng totoo sina Marian at Mother Lily na kasali sa nagprodyus ng movie.

Sex video ni Jake walang pinagkunan

Tinigilan ko ang pagiging seryoso sa sinasabing sex video ni Jake Vargas. Hindi bale kung may ginawa man lang na movie o TV show ang alaga ko na maarimg pagkunan ng nasabing video. Kaso nga wala kaya kung anuman ‘yung sinasabi nilang video, I’m sure retoke na lang ‘yun. Baka ibang tao na ipinalalagay na lang na si Jake. Pero, iisa lang ang layunin, ang makapanira..

‘Yan ang hindi ko gusto sa internet. Bukod sa ginagawa itong venue para sa pag-aaway away ng mga tao, venue rin ito para makapanira. Ang mahirap pa, hindi mo matutukoy ang nagpapasimula ng gulo, dahil hindi alam ang identity nila, mga blind people sila kung tutuusin. Hindi mo naman mapag-iingat ang tao dahil, ang mga nangyayari at lumalabas sa internet, marami ang drawing  at hindi mo expected.