Ang ex ug present ni Robert!

CEBU, Philippines - Naka-move on na matud pa si Robert Pattinson human sa panagbuwag nila ni Kristen Stewart sanglit nabutyag na nga aduna na siya’y bag-ong uyab karon, si Riley Keough nga anak ni Lisa Marie Presley ug apo ni “The King” Elvis Presley.

Pero ang hugyaw kay anggid og mga dagway sila si Kristen ug Riley. Nagkauban pa gyud ang duruha sa pelikulang "The Runaways.”

Masaligon nga malampusan ni

JM ang problema

“May pinagdadaanan siya. May health problem siya. But he’s on his way to recovery,” mao kini gipamahayag sa amahan ni JM de Guzman nga si Roniel ngadto sa Yahoo! Philippines OMG! Sa exclusive interview.

Nasayran nga gipatangtang ni Roniel ang iyang anak isip bida sa film festival entry “Calungsod: Batang Martir” gumikan kay aduna kini health problem ug alang na usab sa kaayuhan sa produksyon ug sa iyang anak mismo. “He’s been on a sabbatical for two weeks now,” dugang pa ni Ronniel ngadto sa Yahoo!

“I want my kid back. I want him to be much better, magkaroon ng responsibility. He has to fix himself, conquer his own demons. Sabi ko sa kanya, dapat pagbalik mo sa showbiz, mas may tools ka na.”

Gihimakak pud ni Roniel ang balita nga purdoy na si JM.

“May pera siya.  Mabait na anak yan.  He has never bothered me. He has never been disrespectful.”

Masaligon si Roniel nga makabalik ra si JM sanglit ang pag-arte man maoy gihigugma niini.

“Pag-arte lang naman ang gusto nyang gawin. Kahit bigyan mo lang 'yan ng piso at ilang tao lang ang manonood, aarte siya.”

“Kahit anong mangyari kay JM, you can’t take away his talent. Paano ka magiging tunay na artista kung hindi ka sensitive sa feelings mo?” dugang pa niya. Samtang ang ex-girlfriend ni JM nga si Jessy agig reaksyon nagkanayon:

“Nalulungkot ako kasi napakagaling niyang aktor at sayang kung hindi niya gamitin ang talent niya. Sa pagkatao niya, mabait siyang tao. May paninindigan siya kasi nakita ko naman na pinanindigan niya ako.”

“Noong narinig ko yung tungkol sa trabaho niya, nalungkot rin ako pero siya na iyon. Hindi ko na hawak iyon. Kung pwede ko lang siyang matulungan, gagawin ko, pero hindi po. Desisyon niya na lang po iyon.

Sarah naproblema

Dili pa makasulti si Sarah Lahbati kung mag-artista ba kini og balik sa higayon nga mobalik na siya dinhi sa Pilipinas gumikan kay wala pa nahuman ang kaso nga giatubang niya sa GMA.  Nasayran nga interesado pa unta si Sarah sa showbiz apan hanap pa ang posibilidad gumikan sa maong sitwasyon.

Kathryn dili feel ang magparetoke

Giklaro ni Kathryn Bernardo nga natural ang iyang ilong ug wala gyud niya kini giparetoke. Matud pa sa young actress nga wala pa gyud nasulod sa iyang huna-huna ang maong butang ug kontento na siya karon sa iyang hitsura.

Erich natabonan?

Igo lang gikataw-an ni Erich Gonzales ang mga obserbasyon nga matud pa natabonan ang iyang karakter isip Rosario sa Juan dela Cruz. Suma pa sa aktres nga dili kini angayan nga himoong big deal sanglit naka-sentro man gyud kang Coco Martin ang istorya sa Juan dela Cruz.

Paulo sa MMK

Ang award winning actor nga si Paulo Avelino maoy bida sa  episode sa Maalaala Mo Kaya ugma sa gabii kung diin dalhon niya ang karakter isip usa ka amang. Kauban niya sa maong episode sila si Jewel Mische, Alma Concepcion, Ismael Clavero, John Vincent Servilla, Glenda Garcia, Tom Olivar, Jamila Obispo, Jerome Ventinilla, ug Brace Henry Aquiza.

Nakatabang ni Ruru

Tsika pa ni Ruru Madrid nga ang mga pagsaway nga iyang  nadawat maoy nakapaagni kaniya nga magtinarong sa trabaho. Suma pa sa aktor nga dunay mga higayon nga iyang nadiskubre ang pagkuwang sa iyang pag-arte pinaagi sa mga saway nga iyang nadawat.

MHL giilogan og tulo ka tindahan

Gikatahong tulo ka mga dagkong tindahan dinhi sa Sugbo ang nakig-negotiate sa mga kadagkoan sa GMA-7 aron sa ilang establisamento patikangon ang mga bitoon sa My Husband’s Lover nga gilangkoban nila ni Carla Abellana, Tom Rodriguez ug Dennis Trillo.

Motikang usab sa Sugbo si Kuh Ledesma ug ang head writer sa maong serye nga si Suzette Doctolero.

Ang nahisgutan nga mall show mahitabo karong August 1 ug wala pa’y tataw nga lugar gumikan sa padayon nga negosasyon sa tulo ka mga dagkong tindahan dinhi sa Sugbo.

Angelica nayayay

Nasakit si Angelica Panganiban apan todo taping siya para sa Apoy Sa Dagat nga mahuman na karong gabii.  Mapasalamaton ang aktres sa tanang nagsunod sa maong serye.

Anne nitikang sa Brazil

Tua sa Brazil si Anne Curtis alang sa usa ka photo shoot para sa Mega magazine busa pipila siya ka adlaw nga dili malantawan sa programang It’s Showtime sa ABS-CBN.

Pahiyom ra’y itubag

Igo lang mipahiyom si Cristine Reyes kung pangutan-on kalabot sa report nga matud pa nga wala gihapon nawala ang iyang pagka-maldita ug kusog kaayo kini mosukol sa mga production staff sa mga programa niya sa ABS-CBN.

Enrique mipasalig sa fans

Gipasalig ni  Enrique Gil ngadto sa iyang fans nga buhaton niya ang tanan aron matarong niya ang iyang pag-arte sa upcoming primetime series sa ABS-CBN nga  “Muling Buksan Ang Puso” nga sama sa gibuhat niya sa Princess and I niadto. (Sanden J. Anadia)

Babaye nga na-link ni Chris mitingog na

Gihimakak sa sikat nga  cosplayer nga si Alodia Gosiengfiao ang report nga matud pa aduna sila’y tinagoan nga relasyon sa basketball player ug TV host nga si Chris Tiu.

Matud pa ni Alodia nga hagbay ra sila nga higala ni Chris busa dili malikayan nga masaypan sila nga mag-uyab.

Dugang pa niya nga dili kini mahitabo gumikan kay aduna na’y uyab si Chris, samtang  siya aduna na pu’y   business boyfriend.

Si Alodia maoy cover girl karon sa  FHM ug giingong taud-taud na siya nga gipangulitawhan sa maong men’s magazine apan karon lang siya nisugot.